Bangalore, Dec 26: Tukum unau tamtak vengtieng an suok hnungin mi thlawmte chauva Krimas hmang dinga an inngai laiin Bangaloreah Hmar mi 127 lai zetin hlim le lawmtakin Krismas an hmang.
Chawhnung dar 3.00 in inkhawm tan ania; Pathien thu tak, hlapawl le malzai hai hmangin Pathienin a nauhai a chawma, fekhawm hai inhmawi anti hle.
Rev Lalsandam in Pathien thu a hrilna. 'Iengleia thu chu tisa a hung insieng am ana?' ti'n indawnna a siem chu feltakin a hrilfiea a inlusu khawm an um nawh.
Nk Rose le thalai hai a inthawkin hla mawi taktak ngaithlak a ni bawka. Hlasak khawm an hawi in an zangkhai hle.
Inkhawm tin ah hlasak lengkhawm nei a nia, hi hunah khawm hin Bible stiuden Tv Zohmingthang a inthok Pathien thutak pawimaw emem mi 12 hai lasoukin entawn thlak an ni zie a hril.
Hlasak inhawi ti hle hai sienkhawm zantieng dar 7 vel chun Krismas ruoi bawngsa-vawksa chartang le arsa hmepawk inhnik emem el fatu han an lo khukpui chu BHCF secy Pu Jonathan Kungate'n an hlan zovin lungawi takin members han an kil.
Kumthar lawm prokram khawm inhawi takin BHCF chun hmang tumin prokram an siema, hung tlung ding December 31 zanah kum hlui inthlana prokram chu BHCF chairman Pu Robert L Sungte hai inah nei an tum.
Post a Comment
Comments not related to the news or article may be deleted.