Open Letter to Mz Cong chief & HPC(D) prez

The Hmar National Army on Novmber 29 addressed an open letter to Mizoram Congress hief Pu Lalthanhawla and HPC(D) president Pu Lalhmingthanga.

Thupui: Mahni inrin tawkna neia hnam rawngbawl tura ngenna:


Full Text sie ding
Pu zahawmtak te,
Tun tum inthlanpui chungchanga in thuchhuah kha, 29th Nov, 2008 khan ka lo chhiar ve a; a tha viau a, amaherawhchu, in nihna leh in hnathawhna kawngah hian chian lohna inla nei emawni dawn chu aw..tihna lai a awmin ka hria a ni.

Pu Hawla pawh Mizoram hi kum 12 i kutah a awm tawh a. Pu Lalhmingthanga pawh kum 10 chuang lai Hmar hnam hi i kutah a awm tawh bawk a. Khang hun laia in hnathawh dan leh in thil tih dan a tang khan, mipuiin tunge in ni tih an hre vek a, thiltitheih leh malsawmna sangtak dawn in duh a nih chuan mi sawichhea;nilo pui puia puh vak vak pawh hi atul kher emawni le?.. I (Pu Hawla) In Delhi-ah ka lo len lai khan, kan ram leh hnam kalphung kan duhthu a sam tawh loh zia chu kan sawina ngiang mai. Tin, Phone-ah kan inbiakna ah MNF-in kum 10 chhung ro an rela Hmar hnam chungchang an ngaihthah zia i rawn sawinaah kei pawhin fiamthu ang rengin, "Nang pawhin kum 10 chuang ro i rellai khan i ngaihsak bik vak loh kha.." tihin ka fiam che a nih kha. Chuvangin khawngaih takin chanchinbu thleng thleng ah te hi chuan HNA hi MNF nen hian inlaichinna nei angin i party leh nang emaw in lo sawi thin tawh lo turin ka ngen che u a ni.

Tin Pu Hmingte pawh, ram leh hnam i hmangaih tak tak a nih si chuan, mipui hman dan leh kan thil neih (state sorkar leh district etc.)te hi hman tangkai dan inzir ve tawh la ka ti khawp mai. Nang (Pu Hmingte) chuan kan Mizoram sipaite i that a, hnam thalai SPLA te chuan kan Mizoram sipai te lo kaphlum tawhtu te an thawhpui mai a ni zawk lo maw?.. MLA i duh a, i tih palhin Pu Duhawma leh Pu Sangnoa an tling hlauhva enge kan ram leh hnam tan a hlawkna kan seng?.

Chuvangin Pu Hawla nen hian in nihna leh in dinhmunah hian in chianglo niin ka hria a; tun chin atang hi chuan, mahni dinhmun leh nihnaa chiang theih miahlo hruaitute atang hian pawl emaw, ram leh hnam emaw hi a boral thin a ni tih hi hre chung rana ram leh hnam rawngbawl tawh turin ka ngenin ka sawm che u a ni.

Sd/ Lalyhangsang Intoate,
President, HNA
Dated: Hmar_Runpui
29th Nov, 2008