Hmarram Lelte nilai zing Tv. Lalhlimthar Mihriemate, Parvachawm, chu March 2-6, 2011 sung khan Rengkai-ah EAC General Assembly hmangin a hunga; inkhawmna a hai Pathien inpakna hla sak in rawngbawlna a nei a. Mipui a suk hlim hle. Hi hun remchang inchu in Nk. Lalrimawi, Assembly Choir member, leh hieng hin an hohlim.
Nk. Lalrimawi: Tv. Lalhlimthar, hohlim pui che ka nuoma, rem thei I ti maw?
Tv. Lalhlimthar: E khai, rem thei takmeu e, hung rawh.
Nk. Lalrimawi: Lawm a um. Hang tan chawt nghal ei ti aw! I hming le I nu le pa hming mi hril thei I ti?
Tv. Lalhlimthar: Hril thei e! Ka hming chu Lalhlimthar Mihriemate a ni a, ka pa chu Upa Laltlanlien ana, ka nu chu Tlangrelkim a nih.
Nk. Lalrimawi: I piengna hmun le I piengni hai hriet chak a um baka?
Tv. Lalhlimthar: Kei hi May 8, 1992 ni hin Parvachawm khuoa pieng ka nih.
Nk. Lalrimawi: Annawleh in sungkuo chanchin tawiten mi hril thei I ti?
Tv. Lalhlimthar: Kan sungkuo hi tlanglo sinthaw a fak zawng kan ni a. Unau piengpui 6 kan ni a chuhai lai chun nuhmei 2 kan uma, pasal 4 kan um bawk. Kei hi a upa tienga inthawka tiemin a palina ka nih.
Nk. Lalrimawi: Ieng kohran am in um, ieng ang rawngbawlna am kohran ah in hmang hlak?
Tv. Lalhlimthar: Ka umna kohran chu EAC a na, Parvachawm khuoa kohran a chu tulai tak hin a tam tak kan nih. Kohrana ka rawngbawl dan chu ka thei ang tawka inpakna hlasaka rawngbawl hi a nih.
Nk. Lalrimawi: Hlasak hi ieng tika inthawka I thaw tan am?
Tv. Lalhlimthar: Hlasak hi naupangte ka ni laia inthawka kha ka thaw tan hrim hrim a na, kan hnik em em hlak a nih. Mipui hma a hla ka hung sak tanna ruok chu 2009 kum laia inthawk kha a ni chau.
Nk. Lalrimawi: I hlasak inchukna kawnga hin support hi tuhaia inthawkin am I dawng deu taka?
Tv. Lalhlimthar: Hlasak kan chukna kawnga mi thangpuitu le support me petu taka ka hriet chu tuta EAC Simthlang biela Youth Promoter a kan nei lai mek le kan Unita kan Thalai Chairman Pu Singneikhum hi a nih. Hieng hai bak ah ka nu le pa, u le nau le kohran mipui hai laka khawm infuina ka dawng nasa bawk.
Nk. Lalrimawi: Hlasak thiem I ngaisang le entawn bik deu an um am?
Tv. Lalhlimthar: Hlasak thiem ka ngaisang le entawn tlak taka ka ngai chu PBK Liankhuma a ni a. A san chu ama hi a hlasak a hin a chenga, a hlasak khawm hi a hring em em a nih.
Nk. Lalrimawi: Thlarau tienga I ngirhmun iem a na? Piengtharna indik tak I nei am?
Tv. Lalhlimthar: Thlarau tienga ka ngirhmun chu kum 2006 khan sandamna indiktak ka chang a. Chun baptisma khawm 2008 kum khan ka lo chang ta bawk.
Nk. Lalrimawi: I “Aim in Life” hriet chak a um bak el?
Tv. Lalhlimthar: Ka aim in life chu Pathienin talent a mi pek niin ka hriet bawka, ka thei ang anga Pathien ta dinga hlasaka rawngbawl hi a nih. Hieng chen ka tlung thei ta khawm hi ka la dittawk naw vieu lain ka lawm takzet a nih.
Nk. Lalrimawi: Ngaizawng tieng teh iem I ngirhmun? Vancancy???
Tv. Lalhlimthar: Ngaizawng chu ka la nei nawh a, kawppui ruok chu Pathien remti huna nei ngai chu kan ring. Kawppui dinga ka ditzawng chu piengtharna indiktak nei, ei doctrine zui mi ngei ni bawk sien ka tih.
Nk. Lalrimawi: I mi ngaisang zawng ieng ang am?
Tv. Lalhlimthar: Ka mi ngaisang zawnghai chu thlarau mi deu le sakhuo tienga inhnik mi deu hai hi an nih.
Nk. Lalrimawi: A tawpna dingin I thalai chanpui hai kuoma thucha hrilnuom I nei am?
Tv. Lalhlimthar: Ka thalai chanpuihai kuoma thucha tawite nei ka nuoma. Hmarram Lelte ka nina angin Hmarram lelte thupui chu “Insuikhawm Zai Rel Ei Tiu” ti hi a ni a. Chu ang hrimin thalai hai hi Pathien thu le hla a insuikhawm zai hi rel ei tiu ti hi ka thu incha nuom chu a nih. Ka thu nuhnung a ding chun kei ang hrietfuk tlaklo in mi hrietfuk hi ka lawma hieng ang hunt ha mi buotsai pektuhai chunga khawm ka lawm hle bawk a nih.
Nk. Lalrimawi: Ka lawm che, Tv. Lalhlimthar. Lalpan i hma thuoiin malsawm pei raw sen che.
Courtesy: EAC
Hmarram Lelte Tv. Lalhlimthar, Pathien ram cho ngaisaka ei lan dei nawh ti lei ela Pathien hla le zawlhla sak kawp ngai lo dingin ka ditsakna kan hlan che.
ReplyDeleteD.Ralsun
Pathienin i hma thuoi pei raw seh.
ReplyDeleteLalpan i hma thuoi sien, Inpakna hla tamtak sak pei thei dingin suk hrat raw se che.
ReplyDelete@D.Ralsun, I ngaidan am i hril, Pathien thu i hril????? Thuvarhai lekhabu lo tiem rawh. baibul inchuk ni ve si che a hieng ang ngaidan i nei el hi mak ka ti tawp che.
ReplyDelete@ L. Amaw Pathien thu ka hril. Tukhawm Pathien Thlarau thuoia umhai po chu Pathien nauhai an nih. Pathiennauhai danglamna biek na chu ringnawtuhai inthawka Pathien ta dinga insie tum a nih. Ka ditsakna kan hlan hi Pathien ram chova rawng bawl dinga ka ditsakna a nih. Chu chu thil thei a ni leiin ka hril a nih. I ta ding chun a loin thei naw a ni khawma, Bible a 'be holy' ti a nih. Ei holy thei nawh i ti chun, Bible in khel a hril ning a tih. I thei naw ding Bible in thaw rawh ti ngai naw nih. Bible kan chuk nawa Pathien ta dinga nun hmang dan inchuk ka ni lem. Mi ta dinga inchuk ka ni nawa, ka hmang dinga inchuk ka nia, chu zara chun mihaiin Pathien ropuina an hmu ve ding a ni lem. Pathien ram chu a thienghlim ding a nih. AMA an thieng leiin. Nangkhawm Pathien ta dinga insie hran dingin ngaina takin ka fiel che...
ReplyDeleteD.Ralsun
@D.Ralsun, Nitin zantin a i nuhmei/ngaizawngnu kawla i tawngbau popo kha love song a ni naw am a nih!!!???? "Zawlhla sak" i tih hin "Love song" i ti a ni ka ringa. Love song chu a tha le thanaw a um a, a tha hai chu a hun le hmun peiah tapsak le chawrsawngah dam val le lanu hai chun sak hai sien iem a poimna? Val le lanu hai bak in ni naw sien, nupa insiem hnung khawma "zawlhla hla" (long song) hai hih nupa haiin sak hai sien la insung an hoi lem naw ding maw? Kristien sungkuo a hrat theina ding chun nupa inhmangai a tul a. Chu inhmangaina thu chuh a hla el ni ta lovin thu in nupa han inba tuo hlak hai sien nupa nun hlim a ta, Pathien khawm a lawm lem naw ding am a nih!
ReplyDeleteNuhmei-pasal inhmangaina rip sunga i thun chun Pathien hmangaina indik tak chu a hmu a va harsa awm de! Love songs chuh a tha le a tha naw a um i tih nisien ka pawm ve zan. Voizan innu kha hmangai takin, "Lungrunpui i thangnaw chun...." thu nawn an ringnaw kar lo inzawt khum sin hrim tam ie, in nupa nun inhawi sawt sawt el a tih.
Kei ka ngaidan chun, Pathienin ei lungril chita ei thaw ding awm amin hrt tir seng. Love song khom, Pathien ropuina dingin sak thei tho anih. God will do the judgement.
ReplyDeleteIn thu hrilhai ku chu a awm ve ang reng chu tie maw! hieng kuhi ei tamtaluo lei hin ei kohran, ei in sunghai Pathienthu a um ta lem. Pathienthu le khawvel thil ei hmet kawp nasa taluo lei hin, insung family devotion, personal devotion Pathien le inpawlna tak tak nei ei tlawm ta hrim a nih. Love song le christian sungkuo in din tum sung chu hlaw tling ngai naw ti nih. Love songa Pathien i choimawi tum chun chawimawi ngai bawk naw ti niu. Love song saktuhai reng renghi en in la, Pathien choimawitu an vang khawpel an naw. Kristien ni chun Pathienthu tieng midanghai thuoilut tum ding. An naw chun there is something problem with you, might be you really don't follow Jesus.
ReplyDeleteralsun
@Ralsun, i nuhmei kha iengtin am i thlem thluk a? With word of love? or did you just sing 'Aw Lalpa...."????
ReplyDeleteLal Solomon chun, nunghak le tlangval inhmangaina a inthoka Pathien hmangaina ropuizie a suisuok a ni kha teh maw? Inti gospel tum vieu la, kristien sungkuo intan ding chun nupa inhmngai a tul a .......chu hmangaina chu nunghak le tlangval hai in an intem ve phot a, chun nupa a intuorem in hmangaitakin sungkuo an indin ding a nih.
@admin, Yahoo ID hmangtheina kha hung thaw nawk ta la ka nuom.
@Unaupa Vanlalpek ka nuhmei hi love song hmangin ka tlem nawh. Pathienin a mi hmangaia Bible khawm hmangaina tawng ngawt a nih. Sienkhawm ei ni haiin love song ei tihai hi i hriet naw tehlem insira contextualization, compromise tuma a thatna hril tawk tawk tum ding an nawh. Ei ni laia love songhai hi Biekin i sak hlak am? Pathien choimawina dingin i sak vung vung hlak am a nih? Ei in sunghai an ang naw tawl hle. kanin sungah love song kan sak ngai nawh. chu tieng chun ka mawl tawp. Kristien suongkuo indik taka sei lien ka ni leiin, love song or hla lenglawng sak lovin midang khawm tamtak an um ka ring bawk. Pathienthu le hla lenglawnghai hi tekhi ding khawm an nawh. hla lenglawng sak thak loin Pathien hla sak ding a tam taluo. Chu chu kan fui nuom a nih. Khawvel thil le inkawp lo dinga Pathien ta dinga in sie hran dingin ka comment a nih. Pathienin mi thienghlim le fel a hau taluo, ama ti mi khawm an tam. Khawvel thil le inkawp ngailo mihriem Pathien ta dinga inpe daawk ngam an tam taluo. nangni roiin in ngam naw le khawm Pathienin mi a hau. Kriestien inti si chun krista ta dinga hring ding, khawvel thil le in chawkpawl lo ding, Pathien suk hming se tu chu ei ni hai roi, kristien in ti ve bawk si danglamna iengkhawm um chuong si lo. Ringnawtuhai thaw thaw, thaw ve zing thei. Zu dawn, ziel hawp, hlepruk, uire, tuolthat, ruokru, hla lenglawng sak mei mei ti hai hin ei kristien nawzie chu a suk lang chieng hle.
ReplyDeleteRalsun
@Ralsun, i va pastor ta de! Ka lo hmu dan chun Vanlalpek khan Hlalenglawng(Love Song) le Pathien Hla(Love Song) ve ve a compare naw a. A hril tum ni awma inlang chu, Pathien in mihriem hai hih inhmangaituo dingin a hril a, chu an inhmangaina hla chu Pathien in an sak ding a khap a ring naw thu a ni lem naw maw?
ReplyDeleteNangni theology inchuk meuh ni sie cheu, hla pawrche, hlalenglawng, khawtlang hla, hnam hla, Pathien hla ti hai in the thiem naw chun in rawi ding hai chu ngaituo um takel an ni ding a nih. Pathien in a hun le hmun pei-a dingin thil a siem a/ a mi pek a, chu hai chu indik taka ei hmang theina dingin BRAIN a mi pek a nih. Hla lenglawng/khawtlang hla chu Pathien biekin ah sak lo ding hrim a nih. Chuong ang bawkin Martyrs Day ni ah chu Hnam hla sak a tul.
Hung var tuol tuol la ka nuom in ka ditsakna kan hlan che.
inin selna chu a ngaithlak an hawi ie...kha taka inthawk khan ei hnam ngirhmun le um dan iemanih chen chu hmu theiin aum in ka hriet chu tie!A lekha inchuk hai, pathien rama inhmang hai le mi naran hai, ei rengin kar eiin siem khum tawl senga; a hran sengin ei ning ning ei ninga pakhat khawm mani khatin ieng chu chang thei bar lo....Hmar hai! A var deu haiin kohran indik nawna an hmu in an chil an sak a, Pastor hai le kohran a inhmang hai hlak in Pathien thu hrilfienan an chanchin an hmang a; chu hai kara chun mi naran hai chu tu thu am an dik lem tiin zawm lem dinga buoiin anin vir sie a. Hnam ta dinga thiltha ngaituo tlang ti chuh mazu sai a inchang tir tum ang anih! Tha in tina a sip in an sip senga, an thu an dit tawl seng bawka, hotu ni nuomna leh. inthuruolna hih hratna anih ti hih a umzie le Pathien thu anih ti hih ei la hriet naw ning a ti?
ReplyDelete@Ralsun: Ei hnam sietna mi dang in tum kui hi ei chieng taluo a hieng kui hi ei ni hi. I baibula 'Hla hai hla' a um ve am? I pawt thlak am an tah? A la um khomin i tiem ngai bek ka ring nawh. Mani in hmu a thra raka, mi dang thranaw taluo a hmu kui hi a mawl thlak taluo tah. Siedawltu le ngamantuhai khom Isu thuoiruoi vawng ani kha. Ei Lalpa hin ei mizie ang peiin ami hmanga, ami phut anih. Love song chu kan inah kan sak ngai biek nawh, anachu a lo sak hlak hai khom an thranaw biek nawh, kei ni khom kan saknaw leiin ka thra biekna a um nawh. Thil tinreng chu pathien siem vawng anih, ei hmangdan i zir anih. Lovesong sak phot hi Pathien thu awi lo anni bieknaw lo hre ve ta rawh.
ReplyDeleteEg. Inneina a dam "From this moment, Shania Twain" an sak chun a mawi emem, worship service a chun a nal naw view.
Unauhai in thangnahai chu an dik thei taluo, midanghai khawma ngainuomum tieng an ta, support vieu an ti cheu. Kei khawm ka support khawpel cheu. Thilpakhat hi hi hre zing ei tiu, 'back to the Bible ti hi aw.' Evangelical ei nia, Biblea thu umhai inza taka pawmtuhai ei nih ti hi a tharin hre nawk inla. Liberal inchuktirna ei ni lai a um pal dinghi ei veng tha naw chun chu, new generationhai chun Pathien hre ta naw nihai. Pathienin a nauhai hi ama choimawi tu dinga a kodawkhai ei nia, iengkim ei thawtaphawta Pathien a ropui chun chu chu thil tha tak ei thaw ding hrim a nih. Pathien ropui nawna ding a ni chun chu thawlo tha lem a tih. Love song saktu khawma Pathien ropuina dinga a sak a ni chun, Pathien choimawi a ta. Pathien ropuina ding an naw chun sak naw thalem bawk a tih. Iengkim ei thawtaphawt hi Pathienthu angtakin thawng ei tiu. Pathienthu Bible hmangin ei thilthawhai judge pei lem ei tiu. We live for Christ.
ReplyDeleteRalsun
@Ralsun. Pathien ropuina a hmang vawng thei ani ngei anom. Chuchu mi a chunga mi dang hai khomin an hril tak reng anih.
ReplyDelete@Genius, D Ralsun&all, Ralsun-pa in thil umzie a hrietchieng ta a lawm a um bak el. :)
ReplyDeleteBUT, Evangelical ei nih a ti lai zingin "Iengkim ei thawtaphawt hi Pathienthu angtakin thawng ei tiu" a hung ti nawk thlat hi hrietthiem an tak ngei a! Liberal lo dingin a mi fiel si a. Ama hi kei a nek hman in a lo liberal a ni hi teh. IENGKIM hi Pathien ropuina ding vawnga thawthei ni thrak lo a nih. Tuolthat, uire, inruk, etch hai hi Pathien ropuina ding a sawn am a ni ding. Baibul a thil ziek hi thre/the hran ding tamtak a um a; chuonghai chu Pathien in lungvar thra mihriem lu-ah a sie a, a sin ding chu a sie le thra thre hran a nih.
Kei chu IENGKIM hi Pathien chawimawina dingin ka thaw ve ngai nawh!!! Hlak pu chuh, Liberal ka lo insawn lai in CONSERVATIVE ka lo ni zing an nawm!
@ Vanlalpek, hieng ang hin Pathinthu in fepui tawl lei kuhin ei hnam ei insunghai a chim zo a ni hi. Ka comment tak kha en tha hman ta, Pathien ta ding choin hla sak dingin ka fiela, chu chu nangnihai roin in theida em em a ngaina ka hriet naw chu a nih. Pathien ta ding chova hlasak dinga ka ditsakna kan hlana. Pathien hla cho sak leia ei hnam a sie a ni chun Pathienin ei hnam chu a suksiet a ni naw dim a ni? In thuhrilhai po po khi en un la, Pathien thu thang thak lo, Pathien nekin hnam in ngaipomaw lema, Pathien hla nekin zawlhla in hril mawi lema. "IENGKIM hi Pathien ropuina ding vawnga thawthei ni thrak lo a nih. Tuolthat, uire, inruk, etch hai hi Pathien ropuina ding a sawn am a ni ding." i tihai lem pu hi chu, thil hre nawtaluo mihai titina lo hriet thawi vuta a huoi taka thang an ti ang deu kha i hoi. Pathien ropuina dingin thil po po an thaw thei naw leiin, thawnaw a tha lem ti hi ka point tak an nawm. Chu i hung hmu ta hi teh nang ngeiin. Zawl hla hai hi Pathien ropuina dinga sak an thei naw leiin sak naw a tha lema. Pathien ropuina dinga thil ei thaw thei naw chun thawnaw a tha lem ka ti chu i mit a var ta hi lawm a um khawpel. Pathien chungah hnam, culture iengkhawm sie ngai naw ro. Pathien a chunghnung tak a nih. Pathien boin hnam thuoi tum naw ro. Hnam thouitu chu Pathien a ni ding a nih. Hnam sietding in in laupui nek kuhin Pathienthu mihaiin an palzut ding le an pawm mei mei ding kuhi in lau pui lem ro. Hnama in inrui sung chu Pathien choimawi ngai nawng in tih. Pathien in hnam a dit nawh ka ti nawh, ana chu a poimaw hmasa nawh. Pathien ram a poimaw hmasa lem. Pathien thu ang taka mi in hringnun a hmang chun, thuawina, ringumna, taimakna, felna, thienghlimna hai hi a character ning a ta, chu neitu chun Hnam a thuoi chun thuoi se ngai naw nih. Pathien ram cho en ro, Pathien in a dang chu ngaituong a tih. Nangni lovin hawk rak rak khan iengkhawm kawngro deng naw ti niu. In chunga thuneitu a um a nih ti kha hre thar un la. Pathien a chunghnungtak Pathien ram cho bawl ei tiu. Pathien hla cho sak dinga kan fui hi hnam in a sietpuina ding ka hriet thak nawh. Chu nekin Pathien choimawi ei ta, Pathien ta ding chova hun ei hmang chun Pathien lawm a ta, mi choisang negi a tih.
ReplyDeleteRalsun
D.Ralsun an ti pa hi chu partor dinga mi thuoikawi hnesaw hmel ka tih rieu. Pathienmi indik tak hai chun thil hunbi taka hmang an thiem ti hih thudik a nih ti lo hre raw se. You still have a long way way to go. baibul inchuk phur lai a ni leiin a Peka lo hrethiem el ta. Rinumna ram sir phot sien chun Pathien ram fe dan hre el a tih.
ReplyDelete'Pathien ta ding chau' ti hi pawl (kohran) thuoitu hai le mi thenkhat inti Pathien thu awi hai mi dawi vetna a nih.
ReplyDeleteLove song ti hai dam chu ei hnam le tawng suk hausaktu, literature inthang lienna dinga pawimaw taluo ringawt el. Hieng kui hin an mi dawi a love song thar khawm ei nei thei ta naw ni tie. A hmun le hun thlir hran thei naw khawpa invet, Biekina love song sak tukhawm ei la um nawh. Hla chu a thu i zira a sakna ding hmun hriet kui kha a hun a nel.
@Ralsun bai, mi thil hril chu i man intak ve khop el maw? Hnam hmangai loin Pathien hmangai thei ani nawh. I unau i hmu zing i hmangai naw chun iengtin am Pathien i hmu lo hmangai thei i ta? Love song hi zawlhla ti chi khom a ni chi am ani? Min an hmangai emem hai an phuok khum ani leiin, hmangaina hla(lovesong) ani lem naw maw? Ei hnam insung a chim zo i ti a mi dang i hung in tum veta, ei reng lei kui hin ani hi, in suk fihliem tum ve tal tal el chu ana. Lovesong in mi tamtak an hmangai tir hi Pathien ropuina ani naw ni? I comment anthawk Pathien hla cho sak ding i ti khi tukhomin poi an ti nawh. Lovesong(zawlhla, as u call it) le chokpawl lo dng i ti kher2 khi anih. A chokpawl naw khomin a pawi nawh, a chawkpawl khomin a pawi nawh. Pathien le ama in kar anih. Anachu, ka hril nuom tak chu, Pathien tri emem pumin lovesong an sak thei ve tho. Lovesong sak hai hi hmu thranaw biek ngainaw rawh.
ReplyDelete@ Ralsun "Nangni lovin hawk rak rak khan iengkhawm kawngro deng naw ti niu" ????, hnam hmakhuo ngai leia hohlim kan ni a , kan var lem, kan hriet lem ti lei ani bawk nawh; kan thahnem ngai leia tawng kan nih. Nang teh?? A kawngro deng le deng naw chu i ngaituona ram lo nisien... Kohran hratna le thilthawtheina chu Hnam hriselna le damna a innghat anih ti hih hre inla thiltha ni ngei a tih. Tuta Kohran 'mi' haiin ei ching tak , social le hnam thil amanih reng renga inthawka insukfihlimna hih a fe zawm pei chun ei kam la chek ngei ei tih. Ka hnam inphat dinga mi titu Pathien chu ka pathien ni tlak annaw a, Ka i biek Pathien chun chuong chun mi ti naw bawk a tih. Chuong anga Hnam hih inhlut ding anih. Inti Pathien thu emem in, ei hriet sun sun hai hlak hih inhmangaituonan hmang ta nekin in hlap chekna hmawl tum, mani nun suksietna in ei hmang lem a a pawi bak el!(nang ka ti na che annaw a, ka generalise ani lem). 'Pathien thu le a ramah ei thaw tha phawt chun thil dang chu ngaituo ngai loin a khatin hung um el a ti' ti ngaidan ei nei hih ban a hun tah. Ei thei chun a tha,anachu, Pathien thu zuia ei ngirhmun sawi danglam khawp hiela a tak rama zawm ngam tak tak ei um ta naw leiin, ka ti ani lem. Pathien thu hih hmai kawr a hmang ei tam ta em annawm! Chuonga kan Pathien thu fepui dan i mi dem ani chun, thil pakhat indawn ka ti che, Kohran hai inhmelhuotna, ei inthuruolnawna, politics ei tlak hnuoina hai, education le thil dang dang a mi ei phak naw nasan hih ienglei ?? Lala le Thanga inhmu thiemnawna mei mei chau chu annaw ie! Annaw leh Hnam ei lo inrui lei amanih?? Pathien thuin hmangruo a mi hmang loin ei nin hmangruo in ei hmang lei vawnga hienga um ku hih ei ni hih! Hnam a thla hnuoi ta maw an ti pha leh, 'an' kutchal in khih ding an zawnga, kut par pathum in anni a khik zing hmel an hriet si nawh...a pawi thei khawpel. Anni mita inthlung pawng hmu si loin , mi mita hmawl hlek te an khel fai tuma, dam dan hlawl a um nawh! Bawng ghari in Bawng a kei naw a, Bawng haiin a ghari an kei lem ano amanih?? Pathien thu ku hih 'fak' zawngna ding ni loin 'fak' mi petu lem ding annawm...Pathien thu ei hriet hai ku hih Kohran a chau a hmang ding ni lo; politics le thil dang dang ei khawsakna le inzawma ei thilthawna le ngaituona haiah hmang ding khawm ani annawm! A the dan ruok chu thiem ding. Chuchu ei renga ei hriet chieng pha Hmar hnam thar piengna ni chu ni ngei a tih.
ReplyDeleteIn hril thiem thei ie. Ka thuhrilhai hi ka convince tum cheu an nawa, ei ram ei hnam hi Pathien thangnaw chun ieng angin thaw in la cheu khawm siem tha chuong naw ti niu. Eiin deizai taluo ku hi ei thaw hla lem an naw maw? MI haiin zawlhla an sak hunah lo sak ve thei, Pathien hla an sak hunah lo sak ve nawk pawng pawng thei. Pathien ta dinga insiehran mihriem ei um ta naw ku hi ei thaw hla chu an ta hi.Ti tak em a chu, nangni roi ku hi a hmu pei lo ding ni lem in tih. Pastor le politics inhnik emem, love song sak pei deu dam hmu un la, pastor an nawm a nih? ti nawk loi bawk sieng in ta ti ro? cho chu an nawh, Khawm saw Pathien hla a sak sak a nuom hhunah zawlhla a sak nawka ti nawk loi sing in ta ti ro? Ieng angin thangin la cheu khawm Pathien thang naw chun, Pathien a hmasa naw chun Pathien cho naw chun thil ei thaw thei nawh. Pathien thu ang charin i hringnun kha hang hmang sin ta, thildang ngai naw ti niha Pathien ta dinga hring an hoi zie hmu ve ngei i tih. Tradition, culture, reason, experience ka hnawl nawh but they have to come under Christ. It should be Christ center. Christ culturea um in hoi tawl in thuhril dan hai chu. Christ above culture hi ei umna ding a nih. Iengkim chungah Pathien sie hi ringtuhai thaw ding a nih. Pathienthu ei hreit hai ku hi ei hmang tawl naw leiin nun zalen deuin ei fepui tawl a ni hi. Chu chu Pathien mi kona san an nawh. In thuhril dan hai po po hi ei ram context a Pathien thu ei fepuidan, mi tam takin nikhata minute 10 khawm Pathien ta dinga hun ei pek pei ta nawh a ni hi. Hi lei taka, Pathien hla cho, chu khawm chun harsa ding chu ka hrietsa a nih. Chulaia zawlhlahai lo hril mawi tum vat ti dam chu teua teu lo. Ka ti kha unauhai ei ngirna hai in en thang ei tiu. Hi thuruok Pathien ta dinga insie hran poimawzie ka hmuna a lo sawt le kei khawm. Nangnihai ang thova hnam invoi ka ni hi. Amiruokchu Krista ta dinga miin hringnun a hmang tum tak tak chun, inhoi a ti zawnghai Pathien ropuina ding an naw chun a chan a tul hlak an nawm. Vawitamtak nangnihai ang thovin zawlhla sakhai poi ti lovin ka lo soisel ngainaw chang a tam. Amiruokchu zawlhlahaiin Pathien ropuina an tlun nawzie le, a saktuhai meu khawma Pathien an choimawi nawzie ka mit ngeia ka hmuin, hnawla Pathien hla sak senglo umhai hi saka Thlaraua malsawmna dawng hi a tha lem ti hi hre thar ei tiu. Pathien ta dinga thienghlim taka insie hran ding insie tum ding ama an thieng anga thienghlim taka um dinghai ei ni lem. Kristien in ti hnung khawma danglamna umlo, ringnawtuhai thaw thaw, thaw ve zingthei ringtu ei ni chun, in en tha nawk hleng ei tiu. Tuta ei Pathienthu fepui anga, a hun le hmang ti zawnga ei fe pei chun, lo ngai rawh thangthar tamtakin Pathien in hlat ei ta, ei ngaisak ta naw ding a nih. NIkhata Pathienthu inchukna'n, (Bible tiem nilo)BIble study le Pathien le in pawlna hun tawngtaina darkar iengzam ei hmang ti in sut nawk seng ei tiua, ei lungril ei ngaituonahai Pathienthu'n ro a rel am? ti indawn thar nawk seng in la nuom a um. Experience ei hril hin, tukhawma inti theina'n an hril ngai nawh. Pathien le experience hril ding neilo ringtu chu Pathien a buon ngai naw hle tina a ni lem. Pathien ta dingin hun a pek ngai nawha, Pathien le in pawlna hril ding a nei nawh ti a suk chieng bawk. Pastorin Pathien le experience hril ding a nei naw chun, Pathien le an in pawl ngai nawh ti a suk chieng hle bawk.'Therefore encourage one another and build each other up just as in fact you are doing.' Tuta eiin tainahai po pova inthawk hin, iem eiin chuka ta a? kei chu nangnihaia inthawka kan chuk chu Lovesong/hlalenglawnga sak khawma Pathien ei choimawi thei ti hi a nih. Kei ka poin ve thung tak chu Pathien ta dinga thienghlim taka insie hrana khawvel thil le in chawkpawl ngailo ding ti hi a ni bawk. 'Be holy because I the Lord your God I am holy.'
ReplyDeleteralsun
Experienced
ReplyDeleteHril lai lai la zuk hril nawk lang. Hnam chungchang hi ei hril rawp hlaka. Joy'n i zuk poin out "Kohran hratna le thilthawtheina chu Hnam hriselna le damna a innghat anih ti hih hre inla thiltha ni ngei a tih" i ti hi, zuk ngaituo chieng tak tak la thil pangzat um, hnam hmin taluo Pathien tina nei lohai thuhril nisienla a hoi. Kohran hnamah eiin nghat tir chun, kohran lu chu HYA or HSA or INPUI ni tang a ta, Pathien an ta naw ding tina a hoi baka maw! Ei Bible hlak chun Kohran lu chu Krista a nih a mi ti pek sia. Kohran hi ei hriet chieng naw lei a ni ti in la hlak, ka hriet ti nawk loi bawk ei ta. Kohran chu eini kuhi Pathien kohran, Pathiein khawvelmi hai laka inthawka danglam biek dinga a mi kodawkhai, Ama chanchintha hriltu ding le hrepuitu dinga a mi kodawkhai ei nih. EI lu chu Hnam a ni nawa, Krista a nih lem. Chu Krista lut taka neituhai chun Pathien an tia, Pathienthu cho an ngaisaka, indiktak le feltakin ro an rela, Hnam hming khawm an suk thain Hnam an choimawi bawk hlak.
Philippines a hin an thilthaw tha em em pakhat chu, an hnamhai an culture hai biekin an choia, Pathien ta dingin an hmang hlak. Kristien an ni hnungin animistic or folk religion laia an festival hmang hlakhai kha an Christianizea nidanga anga hmang ta loin biekinah Pathien ropuina dingin an hmang hlak. Chu laia rasuok chu, an hnam zakuohai hi Pastorhaiin pastor form in an hmanga thienghlim le inza takin government office chena uniform in an hmanga, Philippines a tourist hung ta phawthai chun nei ve ngei tumin an in chawk hlak. An ram sunga product lai chu an hnam zakuo hi a man tam pawl tak a ni bawk. Chuong ang bawkin Korea hai khawma a hnam incheina hai an ban nawa, a biekin an nuhmeihai hin hieng ordination hunhai an naw leh kohranah special eventhai an hnam le culture Pathien ta dingin an choia biekinah thienghlim takin an hmang hlak.
Ei ni ruok chu ei la dang met a hoi. Sikpuiruoi ei festival hlak chu ni danga ei hmang dan angin ei la hmang zinga, kristien in ti hnung khawma zu le sa ei la hmanga. Pathien hla hai sak lovin hlalenglawnghai sak na in ei hmanga. Pathien ropuina dingin hmang lem ta in la chu tha ngawt naw ni maw? Ei hnam hi Pathien kuomah ei thuoi hmakhat chu Pathienin dawmsang ngai naw nih. Mi dawmsang tu ding le sukhnuoitu ding chu mihriem an ni nawa Pathien a ni lem ti hi ei hriet thar seng in la nuom a um. Pathienin a mi ngaisaka, ei ni a mi ngaisak ang bawkin khawvela mi po po a ngaisak bawk. Hang ti nawk kher ka tih, Sikpuiruoi hai dam hi Pathien ropuina dingin Pathien thu ang takin biekina hai hang hmang in la chu, ei hnam lamhai dam social cho ni loin biekinah dam, ei hnam zakuohai Pathien kuomah ei ram ei pek angin hang pe thar in la an hoi awm de aw! Love song ei sak chak ngoi ngoi hai dam, Pathien hla sak chak ngoi ngoiin Pathien Thlarau pawltharna dam hang chang nawk thei in la. A chin a lienin Thlarau pawltharna dawngin Pathien hla le a thu cho hang ngaisak thar nawk in la. EI hnam ei ram hi Pathien ta dingin hang harthar nawk in la nuom a va um de aw! Tu hlak in Pathien thua hartharna chak nekin khawlvel thil tieng eiin hnik lem ta a. Pathien hlahai saka inpak nekin hlalenglawnhai sak le ngaia hun hmanghai po ei ti ta nawa, ei ni lai Pathien a ropui thei ta naw a ni hi ti.....
Ralsun
Politics a pathien thu hmang ding ka ti hin , van hnik kher ding ti anni naw a, Pathien thu tha tak tak hieng indikna, ringumna insumtheina dam , thuhnuoiruolna etc ti hai hih ei nitin hringnun a hmang ding ti ani lem. Chuong ang bawkin Pathien mi deuin love song va sak hlur hlur si loin a hlut zie le mihriem hringnun a dingin a tangkai zie amanih a tulna a pawm (appreciate) ve thei annawm. Pathien hih a hmasataka sie a tul zie thu le kristien hai thaw ding ani thu i hung tar lang nasa khawpel a, an dik, a tha lawm aum. Vangduoi tlak takin a thaw thei ei um nawa anih, ti lang an khel bek ka ring nawh. Ei hnam ngirhmun hih hang en la, pat inchintak sut takin ei hnam inchin zie hih hei sut tam 'nangni rawi' (i tawng zuk haw vak lang) Kohran mi inti le Pathien thu awi inti em em hai chawk suok ani naw am anih?? Tuchen ku hin Kohran a bal a, a buor em lei dam ku hi mani ding a lekha thiem le a tangkai ding deu thangthar hai kohran a an lut nuom naw nasan, ti dam hi ngaituona ka nei hlak chu tie. Mipui hai ah danglamna hmu ei nuom ani chun eini a intan raw seh. Pathien thu hih ngunhnam khing tieng khing tieng a ngeituo anih ti hih theinghil nawng ei tiu...a hriltu ta ding le a ngaitu ta ding khawmin. Mi dang ta ding bika va hril rawn raka manin zawm tha bar lo mihriem ei tam taluo a eiin 'daizai' ani lem el dim?? A ieng ieng khawm nisien Pathien thu chu a hmasa ding ani laizingin 'hnam' leh anin chel ran ding anih. Kohran hih hnam damna damdawi kawltu ana, kohran enkawltu hai hih fimkhur a tul in an mawphurna a rik a, mipui lungril le ngaituona chunga hmun insangtak an nei ani ti hih an hriet chieng pha pha ei pang pawp le duk hai hin dam zai an rel chau ding anih...chuchu huna lawm le lan thang lien ding chu Kohran tho anih.
ReplyDeleteka thil hril inlet suol ani ie. Entirnan ei hnam hih kohran pakhatin um sienla hang ngaituo tam pathien rama ei thil hang thaw rawn thei ding zie chuh. Biekin pakhata inlawi nana na chu lungril hmunkhat in tuta nekin um ngei ei ta, inthuruolna thalem leh..ei thaw lawm khawm tam a ta ramthima hrat lem ngei bawk ei tih. lungril hmunkhata um le inthuruolna ringawt khawm ku hih thil duoia ni lo a. Politics a ei ngirhmun hung danglam a ta..tlangram haiah inchuknain kwality nei tak tak hmun khan na thenkhata bawl thei ei ta....ei hang indawk hrat ding zie chuh! Tu hlak hin aw eh.. kohran tinin in el insieka an thaw a a thaw tha thei tak tak um mang lo, a hnam in eiin hak pui chu anni hih! Sawrkar ke hnu hlak hmu ding um thak lo....Chu laiah 'Pathien thu chau' ti chu ka ha se anel anih!
ReplyDeleteA tha lawm i um khawpel, mi dang, kohran a lan hmang ding tam deu hung thangsa hai sien la tha ding ana. in sel bawr bawr ei ta thiltha a suok ding anih. Kohran hai thil thaw that ei hril rawn ta a, eiin thang ding an dal zie hih hril tan ta inla a tha in ti ve naw maw?? Kohran le hnam hmangaina leiin....
@Ralsun bai, i comment hai chu a sei theiin an chin nasa thei khop el. I hril tum tak khom ka hriet thei ta nawh. I hrat lem ni raw seh. Bu fak tawm tawngtai khom i dek sei thei hle ka ring.
ReplyDeleteKei chu Kohran khawm ka ti nuom ta nawh. Pawl ka ti el. Kohran thuoitu ding thlangna ah vote an zawng ka ring naw em a, an zawng tlat leiin pawl ka ti el. A then lem chu pawisa khawm an hmang.
ReplyDeleteHla lenglawng, Sai hla, Pathien chawimawina hla, Hnam hla, Dawi hla, Tawngtaina hla etc hai hi 'hla' ei ti hai chu anna, hieng hla hai lai a Pathien chawimawina hla & tawngtaina hla hai le sak kawp thei thaklo chu "dawi hla" hi ning a tih. Chuleiin dem bur chi annaw niin ka hriet.
ReplyDeleteNin hril kuihi chikthiem ta nawng ah. Ramtin kuihi a kawi zawng nih an diknaw zawng hin la ngai naw meh.
@Joseph, i va ti tha de aw. Last line a ang khan hung hit pei rawh. Hmar tawng inchukna ding a tha ka tih
ReplyDeleteKhawsawt in suk um tol taluo in ngaidan hai te che
ReplyDeleteInngaidam hai ala pangai manuh awww..! Hahahaha.. Khawsawt aum bakzel
ReplyDelete