INHRIETTIRNA
Liemtah Pathienni a lo puonglawk ta ang khan Delhi tlanga Hmar nau hai hmun khata Pathien ei chawibiek tlang zing lai a hran a inkhawm tum pawl an hung um ta a. Vairama hienga pawlbik neia inlak hran hin Delhi khawtlang a Hmar nau hai ei inunauna a suksiet thei el ding bak a, ei history enin hmatieng hun la um pei hun a chen khawm a thanaw tieng nasatakin kakhawk nei thei ding nia hriet leiin Delhi Hmar Welfare Association chun a ditnaw thu thusuok a lo siem ta a.
Hi le inzawm hin Executive Members el ni ta lovin mipuiin iengtin am ngaidan ei nei a? Iengtin am ei inpumkhatna humhal zing thei ei ta? ti ngaituo tlang dingin DHWA chun NCR Delhi a Hmar nau popo inkhawm dingin DAR-RANG a vuok.
Hi inkhawmna a hin Delhi le a se vel a Hmar nau taphawt kum 18 a inthawk chungtieng thang seng dinga inhriettir a ni a. Abikin nunghak tlangval lem chun makmaw a ngai seng dinga inhriettir a ni bawk. Attendence lak ning a ta, ka lo hriet naw a ti a suonlam siem phal ninaw nih.
Mani sin tulna amani buoina dangdang lei a hung thang theinaw ding hai chun Mani hming (Fullname), Umna Vengbuk hming indik taka ziekin Mobile Number +919560263871 a hin tuta darkar inthawk date 24.01.2013, 5PM chen a SMS hmanga inhriettir ding. Inhriettirna um lo a hung thangnaw hai chu DHWA-in suizui a tih. Office a chawl lak ding le inzawmin DHWA'n lekha ziek pek ngai dam ei um pal a ni chun hung inhriettir nisien a tul angaanga thangpui ning an tih.
A hmun: Methodist Church (Basement), RK Puram, N.Delhi
A hun : Date 24.01.2013, 7-10PM
Sd
Lalchungsiem Thlawngate
Secretary, DHWA.
DHWA damsawt raw seh!
ReplyDelete