HSA Mizoram celebrates 25th anniversary

Lalthankunga Hmar

 

Aizawl. November 12: Zani 11.11.11 khan HSA MIZORAM chun SILVER JUBILEE CUM CULTURAL MEET Vanapa Hall Aizawl ah ropuitakin an hmang.

 

Hi huna khuollien Pu J Chawngtinthanga, Parliamentary Secretary (MOS Rank) chun Hmar tawng indak hlawkin thalai abiktakin inchuklai hai infuina thu thatak tak anei a. Khawvel thiemna tienga hma a sawn ang peia hma ei sawn a tul thu le a degree el khela thiemna taktak ei nei a tul le a pawimaw zie a hril bawk. Hi huna hin inchuklai pawl MZP, MSU le hnampuol inchuklai pawl LAI, MARA, SSPP haiin an hung tawiawm bawk anih.

 

Cultural programme ah HSA MIZORAM Unit hrang hrang a inthawkin Hmar lam mawi taktak inentir anih a, Mara le SSPP a inthawkin hnam lam inentir a ni bawk. Hlasak thiem taktak haiin hla in fe khawm hai an inawi a, ei Idol Lalengvari Sinate bakah pistol puokruk Laltuoklien ngei khawm a che nasa a mipui a sukhlim hle. Lai students aiawin hla pahnih mawi tak tak ngaithlak ani bawk.

 

Hi programme a hin Aizawl khawpui a ei Hmar officer le ei mithiem hai an fe kim hle a, mipui khawm Vanapa Hall bitin an fe khawm a, a ropuiin lawm a um takzet. Tuchena Hmar le inzawma programme huoihawt taah chun hi programme hi a changkang in ala hlawling pawl tak anih. Amiruokchu mipui lai 1/2 vel mawi rak lova khek pawl ei la um hi chu bansan chu ei tul ta takzet anih