JFL ROLUNG MUALAH

By L.Keivom

1

A saw chhim hawi, Zawlkhaw Tlangnuam,

Mihrang rolung ngirnaah sawn,

Biakzin kala truan rel ka nuam,

Thiamna fiartui luannaah sawn.

2

Ruahsi mittui phingphi siau e,

Fam ngaih rolung luaithli nul e;

Mihrang rolungah thringthriin,

Pangpar ka hlan, zah-chawi bukin.

3

I rolung chawi a mawi hluan e,

Zofate rochan hlu i ni;

Thu leh hla ril min hnutchhiahte,

Kan kumkhaw ro chhuan tur a ni.

4

I sianglawina run ka thlirin,

Bawng in runpui a iang ngei e;

A lumtu ropuina engin,

Zawl khaw run mawi ber chantir e.

5

I chhuat nghaktu, remthing tlawm hi,

Zofate tan lunghlu a ni;

I run hi tlawm engang mah se,

Malsawmna hnar a lo ni e.

6

Zofate hi kan dam chhung chuan,

I hming lawi ang a thang zel ang;

I chhermei hi thrang leh tharten,

Mit loin an chawi nung zel ang.

(Friday, June 11, 2010 Aizawl)