The Independent Church of India (ICI) has defended its pastor Rev Ramchuoilo Varte, also Field Superintendent of Bethesda Social Service Centre, New Delhi, in a scathing reply to the Delhi Hmar Welfare Association's (DHWA) notice to him to explain why action should not be initiated against him for "disturbing the cordial relationship among the Hmar people in New Delhi". ICI has come under sever criticism for trying to organise a separate church service which the Hmar leadership in the national capital believed will foster another "great divide" within the Hmar society.
Below is the statement of the ICI leaders which was sent to the Hmar daily "Hmasawnna Thar" in Churachandpur District of Manipur.
DHWA LEKHA INSUO: ‘THIEMNAW INCHANGNA’
DAWNNA LEKHA
I Chanchinbu ‘Hmasawnna Thar,’ Phek 2 na February 22, 2013 ni a DHWA hotuhai in ‘THIEMNAW INCHANGNA’ ti lekha an hung insuo le inzawm khan a hnuoia ang hin dawnna le hrilfiena kan hung siem.
ICI General Assembly Vawi 63na, thurel Res. No 5na dungzuia, ‘Hun remchang hmasa takah BSSC a ei Biekin ah ICI Kohran hminga inkhawm tan ni ta sien kan tih,’ tiin a lo rel a. Hi thurel le inzawm hin Kohran pawl indin lo dinga thusuok DHWA hming hin a vel a vel el in I Chanchinbu inzaum tak fethleng khawm in lo insuo ani ta a. Kohran in hang dawn let el chu remchang in kan hriet naw a. Amiruokchu, khi a chunga ‘THIEMNAW INCHANGNA’ thu a, kan rawngbawltu suongum le ditum tak, Rev. V. Ramchuoilo Varte hming mal man bika an hung insuo ruok hi chu hotuhai inrawn khawmin, to san bik zing remchangin kan hriet ta naw leiin dawnna hi kan hung siem a nih. An lekha insuo point 1-9na a an zieklang po po a, Rev. V. Ramchuoilo Varte, a hming a siet thei patawp le a muolpho thei patawp a an hung zieklang hai hi thudik ah pakhat khawm hi kan pawm thei nawh.
Rev. V. Ramchuoilo Varte, kan Resident Superintendent, BSSC le Field Superintendent, North India Mission Field hin DHWA hai ngaitha na le hmusitna a nei nawh. Ama khatin iengkhawm thutlukna a siem naw a, keini hotuhai le inrawn tlanga iengkim a thaw a nih. Rev. V. Ramchuoilo Varte kuomah, DHWA haiin February 3, 2013 in lekha an hung siema chun, February 7, 2013 zan dar 8:00 PM ah Mr. Hrangthangvung In, R. K. Puram, New Delhi a inbiekpui dingin an hung fiela. Keini hotuhai mi hung rawnin; keini in tulai ngirhmun taka New Delhi hmuna ICI General Assembly Vawi 63na, Res. No. 5na le inzawm thu bawk kha an hohlimpuina ding che thu ani awm leiin va fe nekin, apology lekha thataka siem lem dingin thurawn kan pek a nih. Hi thu le inzawm hin Rev. V. Ramchuoilo Varte hin thataka ziekin, DHWA hotuhai kuomah, February4, 2013 khan apology lekha siemin, “ Hotu nei kani leiin, ka chunga thuneitu ka hotuhai (ICI hotuhai) ka hang hrila. Kan thu lo chun tukhawm lo inhmupui naw la” an mi hung ti leiin kei a thu el chun in mi kona ka hung sukpuitling theinaw ding a nih ti ka hung inhriettir cheu a.” “General Assembly thu pass hrim hrim chu inrang taka implement pei hlak nisienlakhawm vawisun ni chen a implement el lova à la um na a hin in mi ngenna chu ka ngaithlaka, Kei a tienga inthawk chu nawrna a um nawh ti in mi hrietpui ka nuom.” tiin apology lekha thataka a siem a pek a.
Hienga keini ICI hotuhai thurawn dungzuia apology lekha thataka a pek hnung hin, February 9, 2013 khan, Chairman le Secretary, DHWA in lekha dang an pek nawka. Hi an lekha a hin, “DHWA kona che I ngaitha hin khawtlang inthuruolna le inthunna I hmusit zie le inzana I mi neinaw zie a tarlang. Hieng thil I thawna lei hin DHWA-in I Chunga I thilthaw le inphu a kut a thlak nawna san ding iem a um ti hi lekha I hmua inthawk kar khat sunga ziek ngeia hung hrilfie dinga inhriettir I nih.” tiin lekha khau tak an pek nawk a. Keini ICI hotuhai chu kan inrawn khawma, hienga Delhi a ei representative malman bika ei thurawn dungzuia hma a lak hi a ma mimal in dawnna a pek nekin tiin, keini a hnuoia hming ziekhai hin DHWA Chairman/Secretary hai e-mail in February 13, 2013 khan thil um dan feltakin hieng ang hin kan zuk thawna. “Nangni DHWA hotuhai hmusitna le ngaitha lei cheu nilo in ICI Representative, New Delhi a um ani leiin kan thurawn anga thataka apology lekha siem lem dinga ti ani anga a hung siem ani in mi lo hrietthiempui dingin kan hung ngenin kan inhriettir cheu.“February 9, 2013 a “INHRIETTIRNA” in hung pek nawk, ‘DHWA –in I chunga I thilthaw le inphua kut thlak nawna san ding iem a um’ ti hiela lekha in hung pek nawk hi chu na le pawi kan ti em em.” … February 9, 2013 a ama kuoma lekha in hung siem a dawnna ai a kan hung dawnna a mi lo pawm pek dingin kan ngenin kan hung inhriettir cheu.” tiin DHWA hotuhai kuomah thatak in kan zuk thawna.
Kan lekha hi an hrietthiem in thu a fel vawng ta a kan ngai a. Lekha thataka Kohran hotuhai in ngenna kan zuk siem khawm dawndai derlo a, hienga “THIEMNAW INCHANGNA” thu mipui hriet lar dinga an la hung insuo le vawr dar nawk hi hrietthiem harsa kan ti hle a nih. Rev. V. Ramchuoilo Varte, hi keini ICI kohran a ziksuok tak le mit tlung em em a kan rawngbawltu ditum a na, hienga ‘THIEMNAW INCHANGNA’ hiel insuo khum ani hi na le pawi kan tih. A thiemnawna iengkhawm a um naw a, keini ICI hotuhai thurawn a sukpuitlingna lei a malman a theidana le hmingsietna a tuok hi na kan tiin pawi kan ti a nih. Ama in tukhawm a theida in a hmusit naw a; thawsuol a nei naw bawk. Keini ICI hotuhai thurawn anga thil a thaw lem ani leiin a tul angin keini ICI hotuhai in a maw kan phur vawng a nih ti DHWA hotuhai khawma lo hrie thar nawk ngei hai sien kan nuom. Hi lekha inthawn tuo vel dan chieng lemhai hi ICI Web Site: www.ici.net.in a en thei vawng a nih.
Tuta hnungah, ICI Kohran a kan rawngbawltuhai hming thangna thil le inzawma thu thedar le insuo dinghai hrim hrim, keini hotuhai hrietpuina lo chun mipui hriet a tlangzar le thu insuo hi remchang in kan hriet nawh. Chun, mani kuong lo ding nawr rak khawm hi thil pangzat um hle a nih ti hriet khawm tha kan ti bawk. Chubaka chun, hmatieng pei thila khawm Kohran le Pawl dang dang khawma kan rawngbawltuhai hming thangna thilah in malman bik a thu vilik rak hi thaw nawk hlak ni ta naw hrim hrim sien kan nuom bawk. Hi ‘THIEMNAW INCHANGNA’ thu hi thawktu le mimal thil ani naw a, Kohran telpui ro thusuok le inzawm thil lieu lieu ani leiin rawngbawltu malman bik thei ni naw nih. Keini Kohran hotuhai hin Kohran thusuok le ro thilah a hming that le hming siet chu kan mawphurna a na, maw kan phur thleng ngam bawk a nih ti mipui lo hriet dingin a dawnna hi kan hung siemin kan hung insuo a nih.
Ringum in,
(Rev. Darsanglien Ruolngul)
Moderator
(Rev. Dr. J. L. Songate)
General Secretary
Independent Church of India, General Assembly
Sielmat: Dated: February 25, 2013
"Rev Ramchuoilo Varte,
ReplyDeletealso Field Superintendent of
Bethesda Social Service Centre, New Delhi"??? Should be read as Rev. V. Ramchuoilo Varte, Resident Superintendent, BSSC and Field Superintendent, North
India Mission Field
"Kan rawngbawltu...." dam an hang ti a...inzak a a hang um ngei de aw... Kawngkhatah anti dik tho. Isu Khrita rawngbawltu khom an ni ta naw...ICI in a rawngbawltu ding mi a lo zawng hlak hrim a ni ti a suk chieng tu pakhat a nih. Tuhin chu a chieng ta ie. ICI chu ka dem nuom hlawh nawh...ICI ka ni ve thlat si a. Hotu hai, in mentality kha thangthar hai lungril le ngaituona thienghlim tak hmangin intuoithar vat dingin ka ngen tak zet cheu.
ReplyDeleteDelhi khawpui el an nawh, Mumbai, Chandigarh, Pune, Bangalore, Chennai, Silchar le Guahati Hmar nauhai so hang them sin hman ro... inthilthaw tum hi tukhom in an dit naw ti chu hre thei in tih. Hmar nau inrieng tak khawpuia um hai Krista le a kohran an ni zie inhretirtu le keihroui tu hai chu Fellowship hai hi an ni a, pawl thar hai zu phun nekin inza le dawm sang pei tum lem ding an ni lem.
Aw kohran hai (ICI, EFCI, EAC, RPC...a danghai) Hmarbiel a ram nawr le lak ding le hmasawna ding sin tam em em el hman thaw seng lo cheu in hmun dang Tripera, Aruncahl a chu kha e kan mission field in ti hi inzak a um taluo. Hmar nau thangthar hai Kritien nun suk hrat tu ni nekin lung sukhnuoltu in lem el hi a poi tak zet a nih.
Vote 5000 hmu thei lang chu tuta thuoi hai po po hi ICI thuoitu ni ta naw ti niu.
Chun, Hmar hman hi inrieng hle sienkhom in hmusit ding a ni nawh. Khawkhata thuoitu hai thu inza naw hai chu an chungthu rel a ni hi mak ti naw ro. ICI khoma, ei pastor haiin dan naw angtak thil an thaw chun ei rel hlak ang khan, tuita Pu Ramchuoilo khom hi DHWA member a ni a, khuo le veng roreltu hai thu anza ve ding a nih. "E Pastorpa pawl bika inkhawm Hmarnau hai lai hin la thaw naw hram inla ei nuom a nih" an ti a ni chun inza takin hi thu hi a zawm el ding bakah, a ma thawka hai khoma in inza ve hi a trul a nih.
EI RAWNGBAWL HI ICI, EFCI, EAC, RPC TA DING AN LE!!! Krista Isu rawng ka bawl ti tu hai chun khawvel a unau inhmaituo le inrem taka chenghmun khat dinga ei nih ti ti ei chang tlang ding ni awm tak. Chu nekin, apology letter a pek a, in ti hi indiktaka hril chun apology letter a nih. Mani ngirhmun hrilfiena a ni lem. Apology letter chun, "Ka lo hrietnaw leiin ka lo thawsuol a, mi ngaidam raw," ti a chuong ding a ni naw dim a nih?
Har ro.. har ro .. har ro!!!!!!!!!!!!!!!!!!!!!!!!!!!!!!!
ICI General Assembly Vawi 63na, thurel Res. No 5na dungzuia, ‘Hun remchang hmasa takah BSSC a ei Biekin ah ICI Kohran hminga inkhawm tan ni ta sien kan tih,’ tiin a lo rel a.Hi thua hin chu Unau ICI member hai ngei laia mi thahnem ve tawktak a dit naw pawl hmu thei a an hang um ve thung hin chu Ngaituona iem ani ti takin, Delhia a hrana Unau ICI hai an hang inkhawm biek el ding hi chu tulai hriea ding hin chu a tha patakin an lang naw nin a hawi ngei...
ReplyDelete