Robert L. Sungte (June 10, 2012, Hmasawnna Thar Issue)
Nikhat lai el khan Hollywood lemchangtu Angelina Jolie film siem "In The Land of Blood and Honey" (Thisen le Khuoizu Luongna Ram) en in sunni kan tawi a. Bosnia-Hezegovania buoina besan a Serb tlangval le Muslim nunghak inhmangaina chanchin thu'r takel a nih. Serb hai chun a tlawm lem, Muslim thuneitu hai hnuoia cheng an nuomnaw leiin an khawpui Sarajevo a thuneina chu lak tumin an thaw ta raka. Nu le nau, el bakah mi 90,000 lai zetin an hring an chanpha der el a. ‘Hmangaina leia thi an nih’ ti ding hlakin hmangaina in rorel tak tak sien la chu buoina hi a um naw ding a na' ti dam ngaituona a min nei tir a.
Bosnia-Herzegovania hi northeast India le inangna tam tak a um. Chulaiia pakhat chu, hnam chitin-chitang mani tawng chit hmanga inbepaw thei deu seng hi an nih. Nisienlakhom, hnam politics a hung hrang hieu hieu a, an hriet hma'n thina le inrawtchimitna lungril a hung fen lut chun an rui tir tawl a, thina rapthlak an tuok pha ta a nih. Ei ram, abikin Manipur le Mizoram, ah khom hnam a inhna'm-na politics a hung um tak leiin in erna nasatak, thisen insuo ngamna chen a hung um ta a nih.
Hienga hnam puola thil ngiet nei hi a tha le tha naw chu ei lungril ah insuol seng a tih ti chu ring a um. Kum 2010, December thla khan North Eastern Council le Manipur University huoihawt National Seminar on Tipaimukh Dam a thang dinga fielna ka hmu angin Tuithraphai-a Rengkai khuo-ah nihni programme nei hnungin a hmun ngei sir dingin kan suok nawk a. Iemani chen kan tlan hnungin Chiangpi kan tlunga, insukhara thingpui dawn dingin hotel chu kan pan a. Lamsak tienga hotel-ah chun Dr. Lal Dena leh kan lut a, nupui nu thingpui le bei lum hlat el chu a hung siem chu kan dawna. Bau thum-bau-li vel ka hrawp zo chun lamtlang tieng ka mit ka hei inlen leh, “Sinlung Hotel” (Hmar tawng a ‘S’ hmang ngei) ka hang hmu chu kan phu zawk a. "Iengleia hi lai rama Sinlung Hotel a um el am?” ti’n ka ngaituona a vuong lut ve nghal a. Hi lai ram hi a la fe ngailo hai tading chun, Zou/Vaiphei biel tia hriet a nih.
Kum 1995 vela unanu Thado-Paite buoi lei khan Chiangpi hi rausan a ni a. Buoi hnunga ka hmu nuhnung tak khan in pathum vel cho a la um a. Tuta tum ruokchu, muongna a um tak leiin rangva in a lo de tuor a; buoi hma nekin an in hai khom a lo changkang sawt ni’n ka hriet.
Leh, Sinlung Hotel-ah hang kir nawk inla. Ka camera chawi chu ka phor sok soka; vel tam tak hang hmet ka nuom a chu, a sunga ‘puri’ pet hai hmelsiet lai hang lak chu ka nuom rak naw leiin, a sign board chu ka tin zawn ta lem a. Chanchinchieng lem hre nuom hle lang khom ka to pui trok trok a. Motor kan lut hnung chun, hi ‘Sinlung Hotel’ hi Hmar farnu ta a lo ni zing chu!
Ei hang hril nuom tak chu, hnam leiin ei dam am? Hnam leiin ei thi am? ti hi a nih. Hi khuoa Hmar farnu hin chu a hnam hi a thipui naw ni’n an lang. A hotela fak-le-dawn zwngtuhai poisa hi a dampui chu a lo ni der el. Amiruokchu, hnam a inhna’m kawngah ei hang thlir ding nisien chu a a rohlu hai cha’n hmasa pawl laia mi ni ngei a tih.
Hnam ei hmangai hi a tha hle. Hnam dang hai khomin an hnam an hmangai ding hrim a nih. "Hmar ka nih, Ka Lawm" (I'm proud to be Hmar) ti khom hi a thratna chin tawk a um. Amiruokchu, Hmar ka ni leia hnam dang ka hnam / hmusit ding hi a ni nawh, ti hi tulai khawvel a ding chun ei mamaw tak a ni el naw dim a nih?
Nikhat lai el khan Hollywood lemchangtu Angelina Jolie film siem "In The Land of Blood and Honey" (Thisen le Khuoizu Luongna Ram) en in sunni kan tawi a. Bosnia-Hezegovania buoina besan a Serb tlangval le Muslim nunghak inhmangaina chanchin thu'r takel a nih. Serb hai chun a tlawm lem, Muslim thuneitu hai hnuoia cheng an nuomnaw leiin an khawpui Sarajevo a thuneina chu lak tumin an thaw ta raka. Nu le nau, el bakah mi 90,000 lai zetin an hring an chanpha der el a. ‘Hmangaina leia thi an nih’ ti ding hlakin hmangaina in rorel tak tak sien la chu buoina hi a um naw ding a na' ti dam ngaituona a min nei tir a.
Bosnia-Herzegovania hi northeast India le inangna tam tak a um. Chulaiia pakhat chu, hnam chitin-chitang mani tawng chit hmanga inbepaw thei deu seng hi an nih. Nisienlakhom, hnam politics a hung hrang hieu hieu a, an hriet hma'n thina le inrawtchimitna lungril a hung fen lut chun an rui tir tawl a, thina rapthlak an tuok pha ta a nih. Ei ram, abikin Manipur le Mizoram, ah khom hnam a inhna'm-na politics a hung um tak leiin in erna nasatak, thisen insuo ngamna chen a hung um ta a nih.
 |
| Sinlung Hotel at Chiangpi, Tipaimukh Road. |
Kum 1995 vela unanu Thado-Paite buoi lei khan Chiangpi hi rausan a ni a. Buoi hnunga ka hmu nuhnung tak khan in pathum vel cho a la um a. Tuta tum ruokchu, muongna a um tak leiin rangva in a lo de tuor a; buoi hma nekin an in hai khom a lo changkang sawt ni’n ka hriet.
Leh, Sinlung Hotel-ah hang kir nawk inla. Ka camera chawi chu ka phor sok soka; vel tam tak hang hmet ka nuom a chu, a sunga ‘puri’ pet hai hmelsiet lai hang lak chu ka nuom rak naw leiin, a sign board chu ka tin zawn ta lem a. Chanchinchieng lem hre nuom hle lang khom ka to pui trok trok a. Motor kan lut hnung chun, hi ‘Sinlung Hotel’ hi Hmar farnu ta a lo ni zing chu!
Ei hang hril nuom tak chu, hnam leiin ei dam am? Hnam leiin ei thi am? ti hi a nih. Hi khuoa Hmar farnu hin chu a hnam hi a thipui naw ni’n an lang. A hotela fak-le-dawn zwngtuhai poisa hi a dampui chu a lo ni der el. Amiruokchu, hnam a inhna’m kawngah ei hang thlir ding nisien chu a a rohlu hai cha’n hmasa pawl laia mi ni ngei a tih.
Hnam ei hmangai hi a tha hle. Hnam dang hai khomin an hnam an hmangai ding hrim a nih. "Hmar ka nih, Ka Lawm" (I'm proud to be Hmar) ti khom hi a thratna chin tawk a um. Amiruokchu, Hmar ka ni leia hnam dang ka hnam / hmusit ding hi a ni nawh, ti hi tulai khawvel a ding chun ei mamaw tak a ni el naw dim a nih?
Hnam hmangaina hi an thuk in an sanga; chuleiin hmang thiem chun mi tuel khoma dampuina khop a ni hrim a nih. Thina inthluntu chu ikthikna ..hmangaina thanglo a ni hlak.
ReplyDelete