OFFICE OF THE HMAR STUDENTS ASSOCAITION
Shillong Jt Hqrs, Demthring, Meghalaya.
Date: May 16, 2010
ADMISSION & REGISTRATION
Admission hun hai ei hung tlung nawk ta a, ei inchuklai hai hlawthlingna changtu hai po po ei lawmpui takzet a, College tha tak tak a hai admission khawm hmu ngei dingin ditsakna ei hang inhlan a nih. Hmundang inthawk a Shillong inchukna beisei lei a hung pan tu tamtak an um ei ring a, hung tlung mek le hung tlung ta hai le an tlungna hai ta ding a hrietding pawimaw hang tarlang vak ei tih. Ei hriet ta ang in zani lai el khawm Malki KSU haiin puotieng inthawk a Student um hai hnawkdawk vawng an tum thu Shillong Times a an insuo thu ei hriet kha. Chuleiin lunginsiettakin fimkhur nawk zuol eita ei ruol le pai hai, ei sung le kuo hai mi hung bel tu hai po po HSA ah in register tir ngei ngei dingin lo inhriettir seng ei tiu ti chu ei hang hril nuom a nih. Asan chu siet le \hat thuah in register lo hai chu kut ei tlak theinaw ding a nih.
Registration hi iengtiklaikhawm Tv. Joseph V Tuolor, Gen Secretary, 98623 39835 ah in register thei a nih.
DELHI ADMISSION
Delhi University hnuoia inchuk zawm nuomtu hai ta ding chun May ni 25 chen hi registration thawna dingin hun hawng ani a, mani ngei fe a, original document chawi ngei ding a nih ti chu ei hang inhriettir a nih.
HSA INHLAWNA
Sum hmuna beisei leiin HSA chun Date 5 June 2010 a hin Banquet (One Day Mess) buotsai dingin an singsa mek a, chu ding chun Nu le Pa le mi thahnemngai tak tak hai in thahnemngaina le in thlawmngaina hai kan hung ngen nawk ding cheu ana, Ticket hung zawr ani hun a lunginsiettaka milo thlawmngai pek nawk ding cheu le thahnem milo ngai pek dingin kan hung ngen cheu a nih.
INHRIETTIRNA
HSA OB, Departmental Secretary le Committee Member hai Committee vawi thum a zawn a apology khawm umlo a hung hanglo hai chu tuta hi inhriettirna nisien a nawk a apology khawm umlo a thangnaw hai chu dan angin ban ning an tih. Committee nawkna ding chu 22nd May 2010, 1:30pm Sharp ani a, a hmun le agenda ding ruokchu a hran a inhriettirna hung siem ning a tih. Harsatna lo theilo le pumpeltheilo hieng Exam, Thinathu le Damnawna ani naw chun members po po thang seng dinga inhriettir ei nih.
THANGTHAR RAWL
Ei magazine |hangthar R^wl thlakhata vawihni suok hlak kha sum tieng harsatna leiin eilo insuo thei tanaw a pawi ei ti takzet a nih. Chun hi thu le inzawm hin mi tuelkhawm lo sponsor nuomtu eilo um chun iengtiklaikhawm lawmlut zing ani a Inhnikna neitu hai chun Editor, Thangthar Rawl (Tv. Joseph V Tuolor, +91 98623 39835) a intlun thei zing a nih.
PROPERTY CHUNGCHANG
Ei property hieng chawilawn thei chi hrang hrang hai hi ei lo felhlei met leiin alo chavai rawn ta khawpel in ei hriet a, chuleiin tuta inthawk hin lakkhawmna sin hang thaw inla ti ani leiin mi tuel khawm HSA thuomhnaw a umna lo hrie le lo kawl eilo um chun lo bengvar seng eita an hmatieng ei General Secretary Tv. Joseph V Tuolor +91 98623 39835 kuom inhriettir dingin ei hang in ngen a nih.
Post a Comment
Comments not related to the news or article may be deleted.