Pherzawl District Development Committee Village Level Meet

PRESS RELEASE
The 11th  February, 2017

VILLAGE LEVEL INRAWNTLANGNA  NEI

Tuithaphai: Date 12 January le 10 February, 2017 zanhai a khan, Pherzawl District Demand Committee resolution  bawzuina’n Saikot le Muolvaiphei khawtlanga pawl tum tum thuoituhai leh khun taka Pherzawl District  le inzawma inrawntlangna nei a ni a. Hi hunah hin hieng pawl – Village Authority, HWA, HYA, HSA, SLA, Defense Party, YMA, Val-upa, Youth Club haia inthawk thuoitu an thang hlak a. Hi huna  zawnna um hai chu H.K. Zote, Chairman,PDDC-in  fel takin dawnna a pek nghal pei a. Chun, inrawntlangnaah hin hnam hmathlir chipchier taka hriltlangna nei a ni bakah, thurawn tha tak tak PDDC kuomah pek an ni bawk.  Thuoitu fekhawmhai chun, Pherzawl District Development Committee’n hma a lakna peiah thei ang anga thlawp pei tha an ti tlang a. Pherzawl District piengna chungchangah khawtlang thuoituhai chu an hlimin an lawm tlang hle leiin lawmna thingpui dawn tlang hlak a ni bawk.

Pherzawl District Development Committee hi ei hnam sunga pawl tum tum remtina le Hmar Inpui (Hmar Supreme House) khawma a hrietpui le a thlawp  a ni leiin, hnam mipui  khawma hrepuia, pawl le mimal anga thurawn tha le ngaidan tha neihai chun ienglai khawm hung pe hlak dingin Committee chun a ngen takzet cheu a nih ti a puong nghal bawk a nih.

Chun, Saikot le Muolvaiphei Village Authority  le Lalhai kuomah, kan hnina tlawmtak in mi pawm pekna le moral support in mi  pek peina ding lei khawmin, phur tharna le thafanna a mi pek a. Chuleiin, Committee chu a lawm em em a; bat lovin lawmthu a hril nghal a nih.

Hienga kawng hran hran a, ei thangtlangna le ei inthuruolna lei hin, ei hnam chu par angin la vul ngei a tih.


Sd/-
(Timothy Z. Zote)
Public Relations,
Pherzawl District Development Committee
Pherzawl: Pherzawl District