INPUI: Hmar News & Info

Inhriettirna
The 20th December, 2016

Pherzawl/Tuithaphai: Date 20th December, 2016  zing dar 7 :00 am khan, Pherzawl District Demand Committee meeting resolution dung zuiin Date 22nd December, 2016, zing dar 11.00 Am khin VET Rengkaiah Pherzawl District  thar le inzawmin  inrawntlangna nei tum a ni a, hi taka thang dingin : Hmar Inpui, Hqrs., HCLF,   HSA, CCPur JT. Hqrs. Le HSA , Hqrs., HYA, Tuithaphai Jt. Hqrs., HYA, Hqrs, HWA, Hqrs. Le HACS, HLS Manipur, HNU Gen. Hqrs. , HNU Block No. 5, HAA Hqrs. Tuithaphaia Hmar  khuo Val Upa, Village Authority, Hmar Biel  Lal le Authority, Hmar ADC  members hai popo le Hmar Organisation Unit le Branch  Office bearers popo  le lunglutna nei officers le intellectuals hai  ahranpaa lekha hmanga inhriettirna siem  a ni naw ding leiin Inpui.com le Hmasawnna Thar-a insuo  hi pawma hung thang seng dingin inhriettir le ngen ei nih.

Chun, hi  hunah hin committee hmalakna dinga sum le paia thangpuina pe nuom ta din thahnem ngai taka ienglai khawm pek thei ni bawk a tih. Detail Programma chu a hmunah hmu thei chau ning a tih.

Issued by
Timothy Z. Zote
Public Relations
Pherzawl District Demand Committee

Office of the
HMAR YOUTH ASSOCIATION.
GENERAL HEADQUARTERS
RENGKAI,
CHURACHANDPUR, MANIPUR

MIPUI KUOMA NGENNA LE INHRIETTIRNA.

Kum 2016 Krismas hlim taka hmang seng dingin Ditsakna vochuom.

Ei hmu le ei hriet seng angin Manipur boruok inlumlet meka hin boruok that tieng nekin siet tieng a pan pei a.

Manipura Hmar nau hmuntin le ramtina umhaiin mani veng tieng sungkhathai le hlim taka hmang tumin ei insingsa mup mup mek a, Manipur boruokin siet tieng a pan mek zing bawk. Manipur buoina tak hi Meitei le Naga ti a hriet nisienlakhawm hmun thenkhata chu Tribals v/s Meitei ang deua inlangna chin a um leiin Manipur a'nthawka inzinsuok ding le inzinlut dinghai chu ei him lemna dingin fimkhur seng dinga ngen le inhriettir ei nih.

Lotheilo thila inzinsuok ding or inzinlut dinghai chun a hnuoia contact number peka hin thu chieng lem, boruok that le that naw ngaiven hmasa thei inla lawm um hleng a tih.

+9194 36 270074
Upa Laldawnlien Varte.
Gen President

+919862016963
Tv  Alan Famhoite
Asst. Gen. Secy

+919089866134
Mr Lalramsiem Zote
Secy Info


Issued by:

Info & Publicity Deppt
HYA GHQ.

By Timothy Z. Zote
17th  December,  2016

                                                                  
Date 16th December, 2016 khan District Hqrs. DC Office tuolah Pherzawl District hawngna hunser hmang a nih. Hi inkhawmna hi Pi Lalrawngbawl, Dy. Director, DIPR, Churachandpur le Pu Muona Keivom hai pahnihin thiem takin an keihruoi a.

Hun hawngnaah Pherzawl District hla Pu  Zosanglien Nungate phuok chu  mipuiin sakna an nei .  Hi zo hin  Pu A. Tombikanta, IAS, DC, Pherzawl-in  Welcome address hrilna a hmang zovin, Invocation Pastor Hrangchunghnung-in Hmar tawng le sap tawngin a hmang zovin, Pherzawl District hawngna Pu O. IBOBI Singh, CM, Manipur chun a hmang.
Pherzawlah Pu O.Ibobi Singh, Chief Minister, Chief Guest-in Pherzawl District chu a hawng. Hi hawngna inkhawm a hin, Pu Gaikhangam, Dy. Chief Minister le Pu I. Hemmochandra Singh,  Minister, Revenue & Forest, Pu Dr. Chaltonlien Amo,  Chairman, Hill Area Committee le Pu Vungzagin Valte, Parliament Secretary (Horti. SC/CADA hai chu Guest of Honour le Functional President-in an thang. Thu tha tak tak hrilna hun an hmang tawl.

Chief Minister O Ibobi chun  Pherzawl District hin, District dang hai nei nei nei ve vawng ding thu, infrastructure khawm inhmawtaka ngaituo a ni thu, chun hi Pherzawl District hi hnam pakhat ta ding chaua siem a ni naw a, a sunga cheng hnam tum tumhai ta dinga siem a ni thu hai a hril.. Pherzawl Distict hi siem a ninasan pakhat a hril chu  ,a umna hi Manipur-a Imphala inthawka inkhi in a hlatna le  a lam seina pawl tak a ni a, rorelna fellem beiseina leia Cabinet-in a passed a nih. Chun, sawiselna le hril neu neu um sien khawm tuhin chu ngaituo a ni naw ding thu a hrilsa   bawk. Chun, Chief Minister chun Rs. 1,00,000/-  (one lakh)   function incharge hai kuomah an hlan bawk.

Hi hunah hin Civil organization tum tum in lawmna thu le presentation nei a nih. A hmasa takin – Pu H.K Zote,  Chairman, Pherzawl District Demand Committee-in hun a hmng a. Hi hun bawkah hin Upa L.Thanzam Pulamte, Secretary, PDDC le Pu Timothy Z. Zote, Public Relations,PDDC hai chun Thank you letter, Memento, Hmar Thangsuopuon, Thadou puon, Simte Puon Laisen, Simte Tribe Council,Hqrs.-a inthawka present dinga an thawn chu khuol tha hai inhlanna nei a ni a, hi ruol ruol hin Jiribam District huom sunga khuo 13 hai memorandum   Pu Timothy Z. Zote chun Chief Minister, kuomah an hlan bawk. Hi  zo hin, Pi Lalramsang Amo khawma khuol tha hung hai kuomah lawm zie suklangnain  Hmar Thangsuopuon le present chi tum tum a present a.  Pu Lalhmangpui,MDC,Pherzawl  Lal sungkuo hai chun a rama thlai suok, serthlum,bal, le apple dam khuol tha hai an inhlan a nih.

Hmar Inpui aiin Pu Francis Songneilien Songate, Secretary, Hmar inpui-in  hnam huopin lawm thu thiem takin a hril. Chu zovah, Hmar Women Association Hqrs. aiin President, Pi J.L. Sawmi in thu a hril.  HYA G.Hqrs aiin President, Upa Laldawnlien-in lawm thu a hril a, ei hnam ta dinga sin thaw tha hai chu HYA Member haiin theinghil nawng ei tiu” a tih. HSA Hqrs. aiin  Assistant Gen. Secretary Pu Laltanpui (Puite)-in  thu tha tak a hril. Tipaimukh Chief Federation haiin memento le Hmar thangsuopuon an inhlan bakah Memorundum an inhlan sa bawk. An hunah hin Pu Tongkholun, Secretary-in a kei hruoi a nih. Hieng a chunga zieksa lo pawl tum tum thuoitu- HNU Block No.5, HNU Hqrs. thuoitu, Hnam thuoitu tum tum khawm an kim hle.  Sawrkar tienga mi pawimaw- Pu Lunminthang Haokip, IAS, DC, Churachandpur le  mediacal team thahnem tak an thang.

Cultural dance: HYA Parbung Cultural Troup, Pherzawl HSA,Taithu HYA, Damdiei HYA, Tinsuong HYA,
Haiin hnamlam an suklanga, hieng hnamlam suklangtuhai po hi Pu Dr Chaltonlien-in cheng sing khat seng a present bawk a nih.

Dr. Chaltonlien  khawma thu hrilna a neinaah chun “Pherzawl hi  mi tamtak ngaituonaa  pieng lo, duthua khawm sam phak lo. Vawisun ei lo nei el ta a. Ei rengin ei lawm seng, a thawtu chunga lawm nachang hre seng bawk ei tiu. Pherzawl ADC Foundation stone Nov. 1, 2006  le  December 16,2014  khan ADC hawngna le Pherzawl District  haawngna Pu O IBOBI SINGH, Chief Minister, Manipur-in a nei nawk bawk.

Ei dit, ei mamaw, ei tul. Ei hmalakna leia ei chang, mita hmu thei  le naa hriettheihai popo hi mi thenkhat chun a um ding hrim, sawrkarpa thaw ding hrimah ei ngai a. Ei Bible hmu kha… “ a hriltu um lovin tuin am hrieng a ta” a ti ang khan, a nawrtu le hma latu um lovin tuin am hung thaw el a ta? Ei ni hun hma  khan  tuin am a hung thaw hrim leh!! Ei hmalakna le  ei thil ngen Pu Okram Ibobi Singh-in a mi pek leiin voisun hin  hieng ang hin lawm le hlimin ei um a ni hi… Kut ben ei tiu. Lalpain Pu  Ibobi hmangin thil ropui tak a mi thaw pek  leiin ei lawm hle a nih. Lawmna programme ei la nei ding a ni a- Siel,bawngchal/vawk tum ding ei um chun …. Hril ei tiu.

Lawm nachang hrelo amani, lawm nuoumlo hrim hrim ei lo um a ni chun  ngai mak naw meiniu. Bethlehem Bawng  ina Isu hung pieng khan khawsak mivarhai le beram vengtu haiin an robawm hawnga lawmna chibai an buklai khan Lal Herod khawma a lo lung inzingpui a ni khah. Naute suolna nei lo tam takin an thi pha  nghe nghe a nih. Mi hming that ding lo hawphur  lei ringawt a, lo hril siet    le lawmum tieng neka  hril hnuol tal tal tum a, “ takchanglo ding- puitling lo ding”  tia hril pawlhai khawm an ni  thuhril vek khawm an awi chie  ka ring nawh. Ei renga ei thawtlangna leiin takchang zing a ni ta hi.

Tuhin Pherzawl District-in DC,SP ei nei nghal ta a, department hran hrana District Officers pekin ei um nghal bawk an tah. Department officer haiin an department suk burip nghal bawk an tih.
Ei ram le hnam ta dingin thei tawpin le inthuruol takin hma la zawm pei ei ta, Pathien le  Pu Ibobi Singh, Chief Minister le a council of Ministrerial hai zarin ei ram hung changkang peiin mihai min hnar ram la ni ngei a tih.
Tipaimukh biela Pu  O. Ibobi Singh  sawrkar zara ei dawng tahai:
Vangai tlangah ei beidawng laiin Helicopter hmangin Bufai, daihnai bu thakin a mi thak pek a, ei hriet seng kha.
Vangai TD Block thar a mi pek a, Vangai Sub Division ah a mi hlangkai pek nawk a.
Tuhin vangai tlang dung khuohai popo electric a var mek tah.
Vangai tlang dungah lamlien  siem mek a nih.
Parbung le Patpuihmunah Bank, police outpost, staff Qtrs.    Um mek.
33/11 KV Power station , Pherzawl/Parbung/Ankhasuo ah 132/33 KV Station  Tipaimukh(sipuikawn) ah a um .
Ei la beiseisa rawphai:
Impr of NH -2  (150 NH ni hlak Pherzawl- Tipaimukh
Impr of Jiri –Tipaimukh Road , Life line of Vangai Range   people.
Tuiruong Leilak (Barak Bridge.
HSLC exam centre at Parbung sub Division, Hqrs.
Hr. Secondary school do do
Special DPC for Nurse and teachers for Tipaimukh areas.
Thu kharna ding, Chrismas le kum thar 2017 Pathien thlarau malsawmna change hlim le lawm taka hmang dingin ditsakna insang tak inhlanin kan sungin chibai kan buk cheu tiin” a thuhril a suktawp.

Khuol tha ha’n thuhrilna hun an hmang zovin, ADC, Pherzawl-in vote of thanks a hril zovin, photo session nei zo vin hun suktawp a nih. Hi hunah hin Print le electronic media khawm an thang bawk a nih.

Pherzawl (INPUI): Pherzawl District was inaugurated yesterday by Manipur chief minister Pu Ibobi Singh in the presence of Hill Areas Committee chairman and MLA Pu Chaltonlien Amo.

Ibobi arrived at Pherzawl in a helicopter and was welcomed by the new Deputy Commissioner and Hmar community leaders. "Pherzawl District will be an example for development and I wish every effort is made from officials and the locals to make it a success story," Ibobi said.

Cultural dances were also exhibited for the guests and the public.

Speaking on the occasion, an emotional Pu Amo said the newly created district "is way beyond the expectations of our people" and that it is the "duty of everyone to ensure it functions properly."

The event was also attended by Hmar community leaders besides members of the Pherzawl District Demand Committee.

(14th December,2016)

(Chairman le Secretary, Pherzawl District Demand Committee remtinain hieng ang hin mipui hriet dingin Timothy Z. Zote, Public Relations, Pherzawl District Demand Committee chun thusuok siem a nih).

Pherzawl District date 8th December, 2016 nia Manipur Sawrkar ngirlai Cabinet in  District 7  a siem thar laiah Pherzawl District khawm a thang hi, Pu O Ibobi Singh, Chief Minister, Manipur le a thawpui Cabinet zar, Pathien zar,  le Dr. Chaltonlien Amo’n tulai hnaia thei tawka a  thanglakna  zar lieu lieu niin ei hrieta chuleiin, Pherzawl District biel  mipui aiin committee chun chawimawina insang tak an hlan a nih.

Chun, whatsapp,electronic mail, media, fethlenga lawmpuina thu hriltu le thawntuhai po po kuomah media hmangin lawm thu ei hril bawk.

Chun, Pherzawl District huom sungah hin Manmasi thla Zo nauhai – Simte, Paite, Zou, Gangte, Vaiphei, Thadou le Hmar lungruol taka ei cheng tlang pei committee chun  a nuom takzet a nih.

Pherzawl District hi tu hnam ta a ni nawh a, a sunga cheng hnam tin ta a ni a, a neitu indiktak ei ni seng  a nih. Hmsawnna lampui ei hrawnaa inhrietthiemtuona tha tak neia kal pen pei din committee chun a nuom takzet a nih.

Chun, Pherzawl District hi a biel mipui ta ding chun Pathien  Thilthlawnpek  nia ei hriet leiin GOD GIFT  DISTRICT ei ti hiel a nih. Pathien-in inlalna le ropuina chang sien. Ram roreltu le a sunga sawrkar sin thawtu, department head le ram roreltuhai, a sunga cheng hnam um  popo mi entawn tlak ni dingin mani hmazawn sengah taima taka thaw seng  din ei i ngen takzet bawk a nih.

Chun, Date ni 16th  December, 2016 khin Pherzawlah,  Pherzawl District chu Pu O. Ibobi Singh, Chief Minister, Manipur chun a hawng ding a ni a, chuleiin, lawmtu mi tuel khawm mani remchang ang peia fe din fiel le inhriettir  ei  ni bawk.

Chun, Pherzawl District le inzawma ngaidan tha  le thurawn tha nei hai chun iengtiklai khawm  committee kuomah hung pe pei din ei inngen takzet bawk a nih.

OFFICE OF THE HMAR INPUI (HMAR SUPREME HOUSE)
GENERAL HEADQUARTERS

PRESS STATEMENT

14th December 2016

The creation of 7 new districts in Manipur vide Order No. 25/6/2010-IAS/DP, 8th December 2016 issued by Office of the Governor, Government of Manipur and the same published in Manipur Gazette (Extraordinary), No. 16/20/2016-R, 8th December 2016 is, no doubt, met with mixed response by the people of Manipur. While some section of the people view the order with apprehension and in some areas, even with hostility, the Hmar Inpui, on behalf of its people, have nothing but appreciation and rejuvenated hopes at the creation of Pherzawl district. We convey our profoundest gratitude to members of Pherzawl District Demand Committee- both past and present, Shri Okram Ibobi, Hon’ble Chief Minister, Government of Manipur and Dr. Chaltonlien Amo, Hon’ble Chairman of Hill Area Committee, Government of Manipur and Member of Legislative Assembly, Tipaimukh A/C and all those who have been instrumental.

The Hmar Inpui is confident that this step will be a harbinger of a brighter future in all walks of life; a catalyst for a more vibrant, encouraged, participative and active populace. While pained and hurt at the anathema and reluctance of certain communities to be a part of the new district for reasons best known to them, it is the fervent hope of the Hmar Inpui that the diverse communities of Pherzawl district come together to set a standard in tribal unity, peaceful co-existence and collaboration; to set an example of a harmonic humanity that most tribals in Manipur and elsewhere are yearning for. For this, the Hmar Inpui pledges our full collective support and assistance and urges all so that Pherzawl district is a haven for all- irrespective of tribe, community or religion.

(FRANCIS SONGATE)         (JOSEPH LALROTHANG)
General Secretary         General President

Here's what the new Pherzawl District looks like on the map.

Office of the

PHERZAWL DISTRICT DEMAND COMMITTEE

Hqrs.,  Pherzawl, Churachandpur, Manipur

PRESS RELEASE

December 09, 2016

Words of Gratitude to

Shri O. Ibobi Singh

Hon’ble Chief Minister of Manipur

    The Pherzawl District Demand Committee expresses its unreserved thanks and gratitute to Shri O. Ibobi Singh, Hon’ble Chief Minister of Maipur and his Cabinet colleagues for fulfilling our long-felt cherished dream of creating Pherzawl District in Manipur. Creation of Pherzawl District under the statesmanship of Pu O. Ibobi Singh and his Cabinet comrades will go a long way in the history of Manipur.

Long live Pu O. Ibobi Singh and his Cabinet.

May God bless them.

    Sd/-    Sd/-    Sd/-

    H.K. Joute    Timothy Z. Zote    L. Thanzam Pulamte

    Chairman    Public Relations    Secretary

    873099148    8794202329    9862059540

Pherzawl District Demand Committee

Note: Map is for representational purpose only.

- Tv. Ngurrivung

Mother Teresa kha rawng a bawl tir lai, khawvelin a hriet tak tak hma khan nau fahra chawmtu ding neinawhai tadingin Calutta khawpuiah kut a daw hlak a. Nunghak kut-le-ke kim threm thruom kut daw zel zul a um chu mi phat hin a ngaidan a ni naw hle ni’ng a tih. Mother Teresa’n kut adaw lai chun a kut a chun a chil a sak pek el a. Mother Teresa ruokchun, dawthei takin, ‘Hi hi ka chan ding nisien naufahra ka chawm hai tadingin’ tiin a kut a la daw nawk trawk trawk a nih.

Ka ngaituoa Mother Teresa khawm khan kut-le-ke kim thremthruom a kut hang daw chu mihriem nina taka chun inzak ve hle’ng a tih. Amiruokchu a kut dawna san kha a hriet chieng em a inzakna chang khawm a hrietnaw ning a tih.

Mother Teresa, mi thienghlim le ropui khawvelin a ngaisang hai leh hang inhrilkhi chi lem chu a ni nawa. Ei ram, Chanchintha Mansapui bangna ei ti, Tipaimukh biel ah MLA kan candidate-na le inzawm hin kut-le-ke kim ve si a, ruol-le-pai hai thrangpuina hang hni hi chu mihriem nina ngaituo chun inzakum ka ti ve khawp el. Amiruokchu ei hma zawn a thaw dinga um ei thaw a ni ve el a. Kei a tieng suong ding neinaw lang khawm, Pathienin hrilselna a mi pek a, ka thil thawna hai ah, ka kut-le-ke hmangin thei tawpin sin ka thaw ve hlak a, pawl 7 ka zoa  inthawk BA, MA ka chuk zo chen le LLB kan chukna a hai nu-le-pa, u-le-nau hai thrangpuina thrang thrak lovin ka kut a ka thaw suokin kan chawm puitling ve a nih.  Amiruokchu tuta election ding a hin chu ka thei tawpa ka thaw khawmin ka hratna le theinain a zo naw leiin Krista Thisen zara ka unauhai kuomah, inzak inphak khawm dawn lovin mi thrangpui dingin Pathien hmingin ka hung fiel cheu a nih.
Thei tawpa hnam tadinga ei penna a hin sum-le-pai iemani zat a lo ngai hlak a, ruol-le-pai lai thrangpuina hnia kut hang daw chu, iemani chang hin ruollai khawm ei meng ngamnaw vang hlak a nih. Iengpokhawm nisien kut ei daw nasan hi ei hriet chienga hnam tadinga rawng ei bawlna a hin thei tawp suoa thrang tlang dingin Pathien hmingin ei inngen tak zet.

Ei ram ei hnam in harsatna a tuok mek a inthawka ei suok theina dingin Pathien inpuongna thlakin ei hnam mipui hai hin Pathien ei bel am aw! “Mi fel tak kan nih” tia, Josefa kuomah a unauha’n an hril khan, Josefa kha an puong nawh a. Chun an pawisa hai a let hniin an hung chawi a, rim inhnik le khuoizu hai dam an hungchawi khawm khan an puong chuong le! Amiruokchu “I KUOMAH IENGAM HRIL TANG KAN TI LEH? IENG AM HRIL KAN TI A? IENGTIN AM IN HRILVENG TANG KAN TI LEH?” an hang ti zet khan chu, atira inthawka lo hre rantu/ hrezingtu,  an Unaupa Josefa, kha an puong chau anih.
Ei ram le hnam in harsatna a tuok mek a inthawka mi sansuok theitu ding chu Lalpa hnuoi le van siem tu chau hi a nih. Amiruokchu, mani felna, Pastor le Kohran upa ei nina hai suong a Pathien ei dawr sung hin chu ei ram le hnam damna dingin Pathien hi ei ni ah inpuong tak tak ngai naw ni a. Chun, sum-le-pai hausakna, ei nei rothil hai suonga Pathien ei dawr sung hin chun ei ram le hnam damna dingin ei niah Pathien in puong tak tak ngai bawk naw nih. Amiruokchu, “Lalpa i kuomah iengam hril tang kan ti leh?” ti a, inngaitlawm taka lungril le titakzeta

Pathien hma bul ah ei bawk khup chun Ami hai, a siehlaw Hmar nauhai damna dingin Lalpa chu inpuong ngei a tih.
Unauhai, Pathien inpuongna thlak ni dingin “I KUOMAH IENGAM HRIL TANG KAN TI LEH? IENG AM HRIL KAN TI A? IENGTIN AM IN HRILVENG TANG KAN TI LEH?” ti a, bawk khupa Pathien chibai buk thei seng dingin Lalpa’n mi thangpui seng raw se. Amen!