Manmasi Year Book Volume 3 (Preview)

VELVETNA (PREVIEW)

Manmasi Year Book Volume-III hi asunga thu kisun ho kana sim’in pha kasahlheh in ahi. Hitobang Year Book hin guong doh Pu Timothy Z. Zote hi kapachatna asang’in ahi. Inam sung’u (Chin, Kuki, Mizo) vah year book boldoh midang a-umbehseh pon, ama in masang’in jong Manmasi Digest kittile Manmasi Year Book kitiho hi ahin boipi jing’in, agun chu na ho le athoh hat na ho chule Chin, Kuki, Mizo chate lah a minasa ho phuondoh na anei jing hi kakipa pilheh e.

Hiche Manmasi Year Book Volume-III sim jousen inam sung’uva minasa ihet doh louh o ihet doh diu ahin, chule achesa phat le kum ho-a Manmasi Year Book Volume I & II ana phuondoh jong inasim doh diu katah san’in ahi. Chin, Kuki, Mizo, Kachin kiti ho jouse hi Manmasi suon le pah te ihiuvin, ipu-ipaten themthu anasep naovah jong ipu Manmasi ana minphah jing uvin ahi. Manmasi hi thilha ahipon, mihem ahin, Pu Joseph (Vanthang) chapate ni lah a –a upa jo ahije. Eiho jong Israel ihiuvin, nikho khat leh ihinao hi vannoija hung kiphuong doh thou thou ding ahi.

Hiche Manmasi Year Book Volume III hi asim jousen aphat chuompi ding kaki nemin ahi. Chule khonung teng jong leh nampi ding gelkhoh na jalla Pu Timothy Z. Zote in jong abol/atoh jom ding in tilkhou nale tiemna kanei jin ahi.

Pathen in Manmasi Year Book Volume III hi Chin, Kuki, Mizo, Kachin chate ding in phatthei ei boh pih tao hen.

Kakipah e,

(DR. SIR H. H. MATE)

L. Semoul, Churachandpur