FHG T-Shirt

Hmar ṭawng hmang hai laia Facebook-a group inlâr takel Facebook Hmar Group(FHG) tia hrietlâr chun tulai FHG Souvenir siem a tum le inzawmin, ni lum tak hnuoia nal taka hâk thei ding T-Shirt mawi takel a zawr suok mek a, hi T-Shirt a hin FHG Logo a hnungienga umin, a hmatienga ruok chun FHG Facebook Hmar Group ti an ziek lang bawk.

Tuta chena chu a rawng(color) hi chi hnih, a vâr(white) le a eng(yellow) a uma hmun hran hrana zawrsuok mêk a nih. Ṭhenkhatin office a dam, tuolsuokna a dâm, in umna a dâm le incheina taka hmangin hmun dang danga hâk suok mek anih.

Ei hnam sukmawitu le India suk hming ṭhatu, five-time World Boxing Champion Pi MC Mary Kom, (Magnificent Mary) khawmin uongpui takin FHG T-Shirt hi alo hâk ve tah!

Hi T-Shirt hi puitling hai chau hâk ding niloin a chin alien hâk thei, size a chin taka inthawka a lientak chen hai hâk thei ding siem ania, T Shirt bâka Key Chain FHG Logo umna khawm zawrsuok mek anih.

FHG T Shirt le FHG Key Chain hi India ram suonga Hmar umna khuo po po thawn  suok vawng dingin FHG Hotuhai chun tulai R&L Enterprises ah an print bel chur chur zing anih. A ṭul dan ang peiin tuipuirâl tienga Hmar nauhai tading khawm thawn la ning a tih.

FHG hi facebook group el nisienkhawm HYA group a'thawka hung inṭan ani ang bawkin HYA motto, Thilṭhathaw, Nundan mawi, Tlawmngaina fepuiin a group sunga member haiin an phal ang tawk tawk pawisa dengkhawmin mi rimsie, thangpui ngai le ruolbanlo hai iemanizat alo ṭhangpui ta hlak anih. A group khawmin "Facebook with a purpose"ti thupuia neiin hnam tadingin ṭangkai takin hma a lâk mek anih. Thil reng reng hi a ṭhat nale a ṭhat nawna a nei vawnga, Chuonglai zingin facebook khawm hi ṭha taka hmang tuhai chun ṭangkai takin an hmang thei anih.

Source: http://zawlbuktoday.com/
zawlbuktoday.com hi "Zawlbûk Today" Hmasawnna Chanchin, a monthly Mizo magazine in Hmar ti magazine official website niin nakie met dar 7:PM khan launch thar hlawk anih. Lo visit ve hlak rawh.

MC Mary Kom, (Magnificent Mary) a five-time World Boxing champion with Facebook Hmar Group (FHG)-T Shirt.

R.Lalnunthari Hmar, Shillong.

FHG die hard fans..

L-R: Jr Amo and Joseph Darngawn at Hmarkhawlien.

FHG Souvenir fund rising at Imphal, Manipur.

A hnuoia vawitieng panga group thlalak hi FHG in unau ruolbanlo ṭhangpuina a pêk lai... Changtieng panga mi ruok hi chu Imphal HYA Jt Hqrts hai leh Get-Together nei lai.

Emmanuel Buonsingpui Inbuon, Imphal.

FHG Team with MC Mary Kom, (Magnificent Mary) a five-time World Boxing champion.