By Robert L. Sungte
Kristien a insal hnam le Lalpa Isu Krista hminga kohran phun thei ngat Hmar nauhai lai pawl natna hri a hung inleng thar nawk leiin mi tam tak lungril a na ti chu a chanchin hre phak hai chun ei hriet seng a. A then lem chun “Inthedarna Part II ” tiin an hril kai phak ta khawng khawng a. Tulaia Delhi-a Hmar nauhai laia pawl hri hi a kakhawk dang dai takel a nih. Nisienlakhom, ICI thuoituhai inkara buoina leia hieng thil hung suok a nizie hril ei tum naw a; iengleia kohran pawl pakhatin inkhawm hran an rawt leia Hmar hman a nghor el am a na? ti hi a nih hrilfie ngai lem chu. Hrethiem thei inla chu, ei ngaidan le thlirna tukver khawm lien met a tih.
Entirna dingin, Shillong-ah EFCI in hmun an lo khuor hmasatak leiin biekin le hmun thawveng lien tak an nei a. State danga inthawka Hmarnau tam tak lekha inchuk le sumdawnga fe hai chu EFCI ah an lo inkhawm tawl hlak a. Nisienlakhom, hun a fe peia, Khasi hai khawpuia umdet thei ding, ICI mi-le-sa a hrana inkhawm khawp an hung um ta'k leiin ICI kohran indin in an inkhawm tah a. Tukhom ‘a na’ tia chier le pheng an um nawh. Khawtlang tienga thuoitutak, Hmar Students’ Association (HSA), khom a tawk buoi nawh! Chuongang bawk in EAC le RPC mi le sa ICI le EFCI a lo inkhawm hai khom makhata ngir thei an inzuom ta'k leiin a hranin inkhawm an thaw ve nawk ta pei a. Tukhom ‘a na’ tia lchier le pheng an um chuong nawh. HSA khom in ‘na’ ti’n a khek ve der nawh!
Iengleia inselsiet le inhek lo a tha taka inthe thei am an na? ti ding ni inla chu hi hih a dawnna indik tak ding chu a nih: HMAR hnam hming hmanglo a kohran/pawl a lo ngir lei a nih. EFCI kha Hmar Evangelical Free Fellowship / Hmar Evangelical Free Church of India dam lo ni sien chu khawtlang tieng mawphurtu le inthuoidan kengkawtu HSA khom a tawk buoi ding kha a na.
Khawpuilien, hieng New Delhi, Guwahati, Bangalore, Chennai, Pune, Mumbai le Chandigarh-ah hai hin chu Hmar hming hmangin ei nauhai le hmun khuora lo umdet haiin Pathien hring an lo biek ve hlak a nih. Fellowship a lo ngirna san pakhat laia mi chu ‘Hmar’ a nih. Chun, hieng khawpui-ah hai hin Hmarnau chu tlawmte chau an um leiin inthe/a pawl bika inkhawm an lo thaw theinaw leiin Hmar hnam hming chawiin an lo insuikhawm el a nih! Pathien hring mani tawng - Hmar - ngeia biek theina dinga lo indin an ni bawk.
Entirna pakhat la hang la nawk zauh inla. Bangalore-ah kum 2004 khan, Hmar tawng hmang mi 30 vel hai chun Bangalore Mizo Fellowship a inthawk suokin Bangalore Hmar Christian Fellowship an indin a; Hmar nauhai thlankhawmna tak a hung nih. Tuhin kohran pakhat in pawl hung phun tum ta ang sien chu Hmarnauhai lo ‘insuikhawmna’ chu an hung thiek ang ning a tih. A then BHCF tan pawl, a then kohran than pawl, a then HSA tan pawl ti’n inhrilsietna dang dang um nghal a tih. Delhi-a Hmarnauhai sir hnung kan hung tawng ding chu thil ditumlo tak el a nih.
Iengtinam, hieng khawpui, a chunga hril hai le hmun dang dang ‘fellowship’ lo umna haiah, hin Delhi-a thiltlung hi fehel thei ei ta leh?
‘Solution’ (insiemrem theina) pathum a um. Chuong hai chu:-
Hmar hnam chu NEIG Mission, ICI, EFCI, AG, Salvation, RPC, ldd hai umhma a um, upa lem a nih. Iengangin hausa inla khom, ei insiengna thisen hi thleng vawng thei ngainawng ei tih. Mani piengna thisen inphatsan tum le inphatsan hlak mi chu a siemtu Pathien hmusittu an ni hlak. Ama nauhai ni thei dinga Hmar hnam siemtu le hrechiengtu chu Pathien a nih. ‘Man is a social animal’ ti hi khawvel umtir Adam a huna inthawka Pathienin a lo riruong dan a ni a. “Chuleiin, ei society (khawtlang rorel) kalhmang hi inza takin pawmin zui thei seng inla chu, a sunga kohran mi le sa hai khom inngei takin leng thei ei tih,” ti hih Lal Solomon anga varna neinaw hai khoma ei hriet seng. Amiruokchu, chu thudik ei pawm a, ei zui ngam le ngamnaw thu chu nang le kei-ah innghat a nih.
Kristien a insal hnam le Lalpa Isu Krista hminga kohran phun thei ngat Hmar nauhai lai pawl natna hri a hung inleng thar nawk leiin mi tam tak lungril a na ti chu a chanchin hre phak hai chun ei hriet seng a. A then lem chun “Inthedarna Part II ” tiin an hril kai phak ta khawng khawng a. Tulaia Delhi-a Hmar nauhai laia pawl hri hi a kakhawk dang dai takel a nih. Nisienlakhom, ICI thuoituhai inkara buoina leia hieng thil hung suok a nizie hril ei tum naw a; iengleia kohran pawl pakhatin inkhawm hran an rawt leia Hmar hman a nghor el am a na? ti hi a nih hrilfie ngai lem chu. Hrethiem thei inla chu, ei ngaidan le thlirna tukver khawm lien met a tih.
Entirna dingin, Shillong-ah EFCI in hmun an lo khuor hmasatak leiin biekin le hmun thawveng lien tak an nei a. State danga inthawka Hmarnau tam tak lekha inchuk le sumdawnga fe hai chu EFCI ah an lo inkhawm tawl hlak a. Nisienlakhom, hun a fe peia, Khasi hai khawpuia umdet thei ding, ICI mi-le-sa a hrana inkhawm khawp an hung um ta'k leiin ICI kohran indin in an inkhawm tah a. Tukhom ‘a na’ tia chier le pheng an um nawh. Khawtlang tienga thuoitutak, Hmar Students’ Association (HSA), khom a tawk buoi nawh! Chuongang bawk in EAC le RPC mi le sa ICI le EFCI a lo inkhawm hai khom makhata ngir thei an inzuom ta'k leiin a hranin inkhawm an thaw ve nawk ta pei a. Tukhom ‘a na’ tia lchier le pheng an um chuong nawh. HSA khom in ‘na’ ti’n a khek ve der nawh!
Iengleia inselsiet le inhek lo a tha taka inthe thei am an na? ti ding ni inla chu hi hih a dawnna indik tak ding chu a nih: HMAR hnam hming hmanglo a kohran/pawl a lo ngir lei a nih. EFCI kha Hmar Evangelical Free Fellowship / Hmar Evangelical Free Church of India dam lo ni sien chu khawtlang tieng mawphurtu le inthuoidan kengkawtu HSA khom a tawk buoi ding kha a na.
Khawpuilien, hieng New Delhi, Guwahati, Bangalore, Chennai, Pune, Mumbai le Chandigarh-ah hai hin chu Hmar hming hmangin ei nauhai le hmun khuora lo umdet haiin Pathien hring an lo biek ve hlak a nih. Fellowship a lo ngirna san pakhat laia mi chu ‘Hmar’ a nih. Chun, hieng khawpui-ah hai hin Hmarnau chu tlawmte chau an um leiin inthe/a pawl bika inkhawm an lo thaw theinaw leiin Hmar hnam hming chawiin an lo insuikhawm el a nih! Pathien hring mani tawng - Hmar - ngeia biek theina dinga lo indin an ni bawk.
Entirna pakhat la hang la nawk zauh inla. Bangalore-ah kum 2004 khan, Hmar tawng hmang mi 30 vel hai chun Bangalore Mizo Fellowship a inthawk suokin Bangalore Hmar Christian Fellowship an indin a; Hmar nauhai thlankhawmna tak a hung nih. Tuhin kohran pakhat in pawl hung phun tum ta ang sien chu Hmarnauhai lo ‘insuikhawmna’ chu an hung thiek ang ning a tih. A then BHCF tan pawl, a then kohran than pawl, a then HSA tan pawl ti’n inhrilsietna dang dang um nghal a tih. Delhi-a Hmarnauhai sir hnung kan hung tawng ding chu thil ditumlo tak el a nih.
Iengtinam, hieng khawpui, a chunga hril hai le hmun dang dang ‘fellowship’ lo umna haiah, hin Delhi-a thiltlung hi fehel thei ei ta leh?
‘Solution’ (insiemrem theina) pathum a um. Chuong hai chu:-
- Hmar hming hmanga inkhawmna/fellowship sukbo/suktawp. Hmar hminga lo insuikhawmna fellowship hai ‘dissolve’ thaw ding lo ni ta sienla, ieng pawl hming am hmangin inkhawm tang an ta? Entirna dingin Bangalore Christian Fellowship ti’n Bangalore khawpuia Hmar nauhai a keikhawm tak tak hne ding am? An thlarau nun a chawm thei ding am? Inkhawma an fe hi Pathien be ding taka fe ni hai sienkhom, member hai suikhawm/keikhawmtu chu 'Hmar' tawng hi a nih. Dissolve lo ni ta sien la, member um haiin an kohran chit phun in inkhawmna nei thei an ti?
- Hmar tawng hmang kohran haiin fellowship lo umna hmunah hai a hrana inkhawmna siem lo. Hmar tawng hmang kohran haiin inrem takin hi thil hi an zui thei ding am? Hi thil hih an thaw ngam ding a ni chun Delhi a ICI in a hrana inkhawmna an lo siem hi an inhnukkir ngam trul veng a tih. Chuong a ni sinaw chun hun sawtnawte hnungah kohran dang EFCI, EAC, RPC, ldd haiin kohran ramzau hung tum ve pei el an tih.
- Hmar ‘fellowship’hai ngir zingin, pawl kohran hai khoma inkhawmna a hran siem ve pei hai sien. Hi ‘option’ hi chu pathum hai laia Hmar hnam sukdartu tak a ni thei. Entirna dingin, Guwahati Hmar Christian Fellowship a inkhawm po chu Hmar hming an sawm ding a ni a; pawl danga inkhawm po chun ICI, EFCI, EAC, ldd ah chawngpu vieu ve thung an tih. Hmar hming hi Isu Krista be tu hai lai a neitubik ei um chun hnam organisation hai chen hung tawk buoi pei a tih. Chuleiin, Hmar hming put fellowship le Hmar hming putlo kohran inkhawm hai karah buoina la hung um pei el thei bakah khawtlang inrelbawl dan hieng sietni le thatni hai chen ah 'Hmar tlawmngaina' ei ti vet chu a hung danglam tiel tiel a ta. Hmar fellowship a inkhawm hai chun ‘Hmar tlawmngaina’ le ‘HYA/HSA takin’ ti’n tlang inpun an ta; pawl hminga inkhawm hai chun ‘ICI takin’ EFCI takin’, RPC takin’, EAC takin’ ti’n an insam ve el thei ngirhmun a ngir ei nih. Chuleiin, ei ‘lampui chit’ le ‘hmanawr chit’ (parallel) a fe chun, thlarau ram ah ei indar el ni lovin a hman khom ei in dar pha thei a nih. Hnam thar 'ICI tribe', EFCI tribe', 'ICI tribe' le tribe dang dangin ei lan thlir hran el thei a nih.
Hmar hnam chu NEIG Mission, ICI, EFCI, AG, Salvation, RPC, ldd hai umhma a um, upa lem a nih. Iengangin hausa inla khom, ei insiengna thisen hi thleng vawng thei ngainawng ei tih. Mani piengna thisen inphatsan tum le inphatsan hlak mi chu a siemtu Pathien hmusittu an ni hlak. Ama nauhai ni thei dinga Hmar hnam siemtu le hrechiengtu chu Pathien a nih. ‘Man is a social animal’ ti hi khawvel umtir Adam a huna inthawka Pathienin a lo riruong dan a ni a. “Chuleiin, ei society (khawtlang rorel) kalhmang hi inza takin pawmin zui thei seng inla chu, a sunga kohran mi le sa hai khom inngei takin leng thei ei tih,” ti hih Lal Solomon anga varna neinaw hai khoma ei hriet seng. Amiruokchu, chu thudik ei pawm a, ei zui ngam le ngamnaw thu chu nang le kei-ah innghat a nih.
Hmun danga chu tu pawl khawma phun ve ta naw hram hai sien. Delhi a phun leiin, Delhi cho nilovin Hmar sunga pawl hniin ei inthe phawk nghal ani. Hi a bul tan na cho ani a, a fe pei chun a ka khawk khawm sei hleng a tih.
ReplyDeleteHnam a dam naw chun ei hnam Kohran hai an dam bik naw ni hai
Pathum laia mi hi ka tlang ding lo ni hrim sien chu a tawpna tak khi chu la naw tawp ka tih. Kristien nina leh khom an mil nawh!!!!
ReplyDeleteLaibung, A va hang tha char char de aw. Hieng ang ngaidan tha le fim tak i nei theinasan hi Pathien a inthawk an ka ti thei nawh. I thlirdan hi solution tieng, mi hawklak hai hril pei chi bek ni lo a nih. Kei khawm HYG ah mipuithling inti thalhai titi ka lo en ve hlak a chu a tam lem hai chu mi chophok le meia thing denglut an ni leiin pawi ka ti takzet. Ei hnam sunga roreltu le kohran tienga lulok haiin ngun takin hi thusep hi tiem ve hai sien la chu ka va nuom char char de aw. Ka thon suok thei thei ang zuk mail nghal ka tih.
ReplyDeletei ziek tha khawp el,.. anachu, vawisun ni chen hin christian sakhuo a hin hnam puta sakhuo or hnam hming puta sakhuo hi hriet ding ala vang hle ani, hril ding khawm hriet ding ala umin ka hriet naw ngei,,, iemana a san? ti chun Pathienin chanchintha hi mi po po, hnam po po huopin a siem ani, hnam chau ei ti chun andik theinaw ding anih, chanchintha chu an dar lien pei lem ding anih, hnam in huop tir ringawt hin chanchintha inder lien intak hleng a tah, ei hnam khawm hi changkang intak fut a tih. Chun, khawpuia hnam hminga fellowship indin hi ei thaw ding reng ani chulaizing chun kohran mi le sa in an inlawina kohrana inkhawm dingin an inzum chun dodal lem ding chu ei ni naw tawp el. Tulai chu article le a dang dang ziek reng reng khawmin ei in kawktir hai hi thuhmun vawng ani lei hin a pawi takzet ka tih, keima tawk tawk hin pawi ka ti thei hle.
ReplyDeleteThanks for taking the time to write that. Good info to know.
ReplyDeleteYour sights have given me induce to reconsider a number of my
ReplyDeletepreconceived notions.
I am enjoying reading your article.
ReplyDeleteBangalore le Gauhauti hai khom an him bik hmel ta nawh
ReplyDelete