- LRS Puruolte | Photo: Alan Famhoite.
CCPur: Nov. 6,
2014 zingdar 8:30pm khan Hmar Youth Association (HYA) Gen. Hqrs. 2014 – 2016
sunga Thuoitu thar dinghai le a hluihai chun HYA Gen. Hqrs. Office, Rengkai,
CCPur hmuna Charge inhlanna an nei. Pu, Upa Laltlanmawia in Pathien kuoma
tawngtainain hun a hawnga, hun khar tawngtaina chu Pu, Upa Laldawnlien Varte in
a nei bawk. Hieng a hnuoia mihai hi Thuoitu hlui le a thar hai an nih. Gen.
President- Pu Zothanmawia (Outgoing/OG)
le Pu, Upa Laldawnlien Varte (Incoming/IC), Vice-President- Pu Ramthanglien
Pulamte (OG) le Zothanmawia (IG), Gen. Secretary- Pu F. Lalthangkima Tusing
(OG) le Pu Francis Songneilien Songate (IC), Asst. Secretary- Pu Lalsanhim
Sanate (OG) le Pu Hmangkhumlien Songate (IC), Fin. Secretary- Pu, Upa
Laltlanmawia a ni a, ama bawk thlangtling nawk a ni leiin Pu, Upa Laltlanmawia chu
OG le IC a nih. Treasurer- Pu Thangchuoilo Khawbung (OG) le Pu F. Lalthangkima
Tusing (OG), Secretary, Info. & Pub.- Pu Lalhmunsang Varte (OG) le Pu
Lalramsiem @Elar Es Zote Neitham (IC) hai hin an mawphurna hai an inhlan sawng
a. Secretary, Art & Culture- Pu Ruolchunghnung chu ama bawk thlang tling
nawk a ni leiin OG le IC a nih. Games & Sports chu Candidate an um naw
leiin term hluia hi post cheltu Pu (Tv) Thankhum hin Gen. President thar kuomah
an hlan hri phawt.
Hi Charge inhlan hun a hin HYA Files pawimaw le thilnei
hai iemanizat inhlan sawng nghal ani a, a then hi huna chawi el thei a ni naw
leiin khawhnunga la’n pek sawng dinga ti a nih. Balance Sumfaiin Rs. 14,055/-
hi hun a hin an inhlan sawng. Hi hun a hin HYA Gen. President dinga thlang thar
a um chun hnam tadinga hlawbo a darkar 24 sung an pei zing thu le a hun a pek
tum thu hai a hril a. Hnam tadinga inhawng tam tak khawvel hmun tum tum haia an
um thu le a thei ang ang a HYA Jt. Hqr. le Branch hai khawm kan pei a tum thu
hai a hrilsa bawk. Tuchen a hin HYA Gen. Hqrs. hnuoia hin Jt. Hqrs. 7 an um a, Gen.
Hqrs. in Branch 6 a enkai mek niin HYA hotuhai chun an hril.
 |
| Gen. President- Pu Zothanmawia (Outgoing/OG) le Pu, Upa Laldawnlien Varte (Incoming/IC) |
 |
| Gen. Secretary- Pu F. Lalthangkima Tusing (OG) le Pu Francis Songneilien Songate (IC) |
 |
| Gen. President- Pu Zothanmawia (Outgoing/OG) le Pu, Upa Laldawnlien Varte (Incoming/IC) |
 |
| HYA GHQ Thuoitu thar hai... |
 |
| HYA GHQ Thuoitu hlui le thuoitu thar hai... |
Post a Comment
Comments not related to the news or article may be deleted.